මෙරට තරුණ තරුණියන්ට මෙන්න විශේෂ අවස්ථාවක්...

තරුණ තරුණියන් දහසකට තරුණ සේවා සභාව යටතේ නොමිලයේ වෘත්තීය පුහුණුව ලබාගැනීම සඳහා ශිෂ්‍යත්ව ලබාදීමට යෞවන කටයුතු හා ක්‍රීඩා අමාත්‍යාංශය තීරණය කර ඇතැයි වාර්තා වනවා.

ඒ අනුව වයස අවුරුදු 21 ට වැඩි තරුණ තරුණියන්ට වඩු වැඩ, මේසන් වැඩ, පරිගණක තාක්‍ෂණය, රූපලාවන්‍ය ඇතුළු පාඨමාලා හැදෑරීම සඳහා රුපියල් 50,000 ක වටිනාකමින් ශිෂ්‍යත්ව ලබාදීමට පියවර ගන්නා බව යෞවන කටයුතු හා ක්‍රීඩා අමාත්‍ය රොෂාන් රණසිංහ මහතා පැවසීය.

මේ සඳහා මූල්‍ය පහසුකම් ලංකා දුම්කොළ සමාගම මගින් ලබාදීමට එකඟතාවය පළකර තිබේ.