ආසියානු ක්‍රීඩා උලෙළේ ශ්‍රී ලංකා ක්‍රිකට් විශිෂ්ඨ ජයක් ලබයි..ලකුණු 78ට ඉනිමක් සීමා කෙරේ.
Cricket
Sri Lanka Cricket
Thailand
ICC World Cup 2023
By Aruna
ආසියානු ක්‍රීඩා උලෙළේ කාන්තා ක්‍රිකට් අර්ධ අවසන් පූර්ව වටයේ ශ්‍රී ලංකාව සහ තායිලන්තය අතර චීනයේ හංජෝ නුවරදී අද (22) පැවති තරගයෙන් කඩුළු 8ක ජයක් හිමිකර ගැනීමට ශ්‍රී ලංකා කාන්තා ක්‍රිකට් කණ්ඩායම සමත් වී තිබෙන බව වාර්තා වනවා.
මෙම තරගයේ කාසියේ වාසිය දිනාගත් තායිලන්තය පළමුව පන්දුවට පහරදීම තීරණය කළ අතර, ඒ අනුව ප්‍රථමයෙන් පන්දුවට පහර දුන් තායිලන්ත කණ්ඩායම පන්දුවාර සියල්ල අවසානයේ කඩුළු 7ක් දැවී ලකුණු 78ක් ලබා ගැනීමට සමත් විය.
එහිදී පිළිතුරු ඉණිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායම කඩුළු 2ක් පමණක් දැවී එම ඉලක්කය පහසුවෙන් සපුරා ගැනීමට සමත් වීම විශේෂත්වයක්.
