කඩුලු 8කින් ශ්‍රී ලංකාව ජය ගනී - අද තරගයට සිදුවූ දේ..

අද (26) 2023 ලෝක කුසලාන එක්දින ක්‍රිකට් තරගාවලිය යටතේ ශ්‍රී ලංකාව සහ එංගලන්තය අතර තරගය පැවැත්වුණි.

එම තරගය කඩුලු 8කින් ජයගැනීමට ශ්‍රී ලංකා කණ්ඩායම සමත්විය. එහිදී කාසියේ වාසිය දිනූ එංගලන්ත කණ්ඩායම තීරණය කළේ පළමුව පන්දුවට පහරදීමටය.

ඒ අනුව පන්දුවාර 33යි පන්දු 02ක් අවසානයේ සියලුදෙනා දැවී එංගලන්තය රැස් කළේ ලකුණු 156කි. තරගය ජයගැනීම සඳහා ශ්‍රී ලංකාවට හිමිවී ඇති ඉලක්කය ලකුණු 157කි.

එම ඉලක්කය හඹා ගිය ශ්‍රී ලංකාව පන්දුවාර 25යි පන්දු 4ක් අවසානයේ කඩුලු 2ක් දැවී ලකුණු 160ක් ලබාගනිමින් සිය ජයග්‍රහණය වාර්තා කළේය. පැතුම් නිස්සංක අගනා ඉනිමක් ක්‍රීඩා කරමින් අර්ධ ශතකයක් රැස් කළේය.