ශ්‍රී ලංකා බංග්ලාදේශ තරඟය අවිනිශ්චිත වෙයි - හේතුව මෙන්න..

හෙට (06) පැවැත්වීමට නියමිත ශ්‍රී ලංකා - බංග්ලාදේශ ලෝක කුසලාන තරගය අවිනිශ්චිත බවට වාර්තා පළ වෙයි. එයට හේතු වී ඇත්තේ දිල්ලියේ පවතින දුර්වල වායු තත්ත්වයයි.

ඊයේ පැවති පුහුණු සැසිය සඳහා ද බංග්ලාදේශ ක්‍රීඩකයන් කිහිප දෙනෙකු සහභාගි නොවුණේ, දිල්ලියේ පැවති අහිතකර වායු තත්ත්වය හේතුවෙනි.

ඊයේ පුහුණුවීම් සඳහා පැමිණ තිබුණේ, බංග්ලාදේශ ක්‍රීඩකයන් 08 දෙනෙකු පමණක් බවයි වාර්තා වන්නේ.

බංග්ලාදේශ පුහුණුකරු චන්දික හතුරුසිංහ පැවසුවේ දුර්වල වාතයේ තත්ත්වය සැලකිල්ලට ගෙන සෞඛ්‍ය තත්ත්වය අවදානමේ නොදැමීමට බංග්ලාදේශ ක්‍රීඩකයන් තීරණය කර ඇති බවයි.

කෙසේ වෙතත් ක්‍රීඩා කිරීම සඳහා දිල්ලියේ වායු තත්ත්වය තවදුරටත් බලපානු ඇති බව ද චන්දික හතුරුසිංහ අවධාරණය කරයි.