සුපිරි පන්දුවාරයෙන් ශ්‍රී ලංකාවට විශිෂ්ඨ ජයක්.(UPDATE)

Update 

කණ්ඩායම් දෙකම 196 බැගින් ලබාගෙන සමාන වීමෙන් පසුව සුපිරි පන්දුවාරයක් ක්‍රීඩා කළ අතර එහිදී නවසීලන්ත කණ්ඩායමට කඩුලු 02ක් දැවී ලබාගැනීමට හැකි වූයේ ලකුණු 08ක් පමණයි.

පන්දුවාරයකදී ලකුණු 09ක ඉලක්කයක් හඹාගිය ශ්‍රී ලංකා කණ්ඩායම පන්දු 03 කින් ලකුණු 11 ක් ලබාගනිමින් විශිෂ්ඨ ජයග්‍රහණයක් ලැබුවා.

කුසල් මෙන්ඩිස් සහ චරිත් අසලංක ශ්‍රී ලංකාව වෙනුවෙන් ක්‍රීඩා පිටියට පිවිසි අතර , චරිත් අසලංක පන්දු 2ක් කින් හයක් සහ හතරේ පහරක් ලබා ගනිමින් ශ්‍රී ලංකාව ජයග්‍රහණය වෙත රැගෙන ගියා.

............................

20යි 20 පළමු තරඟය වාර්තාවක් තබමින් සිදුවූ විශේෂ දේ මෙන්න.

සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර පැවැත්වෙන තරග 03කින් සමන්විත පන්දුවාර 20-20 ක්‍රිකට් තරගාවලියේ පළමු තරගය කණ්ඩායම් දෙකම ලකුණු 196ක් ලබාගනිමින් සමාන වුණා .

ඒ ශ්‍රී ලංකා කණ්ඩායම විසින් පන්දුවාර 20 ක් අවසානයේ කඩුලු 05ක් බිදවැටී ලකුණු 196ක ප්‍රබල ලකුණු පුවරුවක් ලබාදී තිබියදීයි.

මෙහිදී ලකුණු 196ක ඉලක්කයක් හඹාගිය නවසීලන්ත කණ්ඩායම ද පන්දුවාර 20ක් අවසානයේ කඩුලු 08ක් දැවී ලකුණු 196 ලබා ගනු ලැබුවා.

මේ හේතුවෙන් කණ්ඩායම් දෙකටම සුපිරි පන්දුවාරයක් ක්‍රීඩා කරන්නට හිමිවි තිබෙනවා.