සති අන්තයේ සිරිපා කරුණා කරන අයට විශේෂ පණිවුඩයක්..
Aruna
in ශ්‍රී ලංකාවසති අන්ත නිවාඩුවට හැටන් මාර්ගය ඔස්සේ ශ්‍රි පාදය කරුණා කිරිමට ලක්ෂයකට අධික වන්දනාකරුවන් පිරිසක් පැමිණි බව නල්ලතන්නිය පොලිසිය ප්‍රකාශ කර සිටිනවා.
පොලිසිය කියා සිටියේ, දුම්රියෙන් සහ පෞද්ගලික බස් රථ සහ වෑන් රථ වලින් මෙසේ වන්දනාකරුවන් විශාල පිරිසක් පැමිණි බවත්, නල්ලතන්නියේ පිහිටි සියළුම රථ ගාල් වල වාහන සියල්ල ගාල් කර සෙසු වාහන නල්ලතන්නිය මස්කෙලිය ප්‍රධාන මාර්ගයේ නල්ලතන්නිය රිකාටන් දක්වා කිලෝමිටර් පහක් දුරට එක් පසක ගාල් කර ඇති බවයි.
හැටන් මාර්ගයට අමතරව රත්නපුර රජමාවත ඇතුළු අනෙකුත් මාර්ග ඔස්සේද ශ්‍රි පාදය කරුණා කිරිමට විශාල පිරිසක් පැමිණිම හේතුවෙන් වන්දනාකරුවන් විශාල පිරිසක් ශ්‍රි පාදස්ථාන උඩ මළුව කරුණා කිරිමට නොහැකි වී ඇති බවයි වාර්තා වන්නේ.
මේ දිනවල ශ්‍රි පාද පුදබිම අවට දැඩි වියළි කාලගුණ තත්ත්වයක් අනාරක්ෂිත ස්ථාන වලින් දිය නෑම සිදු නොකරන ලෙස නල්ලතන්නිය පොලිසිය වන්දනාකරුවන්ගෙන් ඉල්ලා සිටිනවා.
මෙම වන්දනාකරුවන් පිරිස දිවයිනේ විවිධ ප්‍රදේශවල සිට පැමිණ ඇති බවත්, වන්දනාකරුවන්ට අවශ්‍ය පොදු පහසුකම් රාජ්‍ය සහ පෞද්ගලික අංශය එක්ව ලබා දි ඇති බවයි වාර්තාවන්නේ.
වන්දනාකරුවන්ගේ ආරක්ෂාව උදෙසා හැටන් කොට්ඨාශ භාර පොලිස් අධිකාරි නිපුණ දෙහිගම මහතාගේ උපදෙස් පරිදි විශේෂ පොලිස් කණ්ඩායම් කිහිපයක් යොදවා තිබේ.
දුම්රියෙන් පැමිණෙන වන්දනාකරුවන් හැටන් දුම්රිය ස්ථානයේ සිට නල්ලතන්නිය දක්වා ගමන් කිරීමට සහ ආපසු හැටන් දක්වා පැමිණිමට හැටන් ලංගම ඩිපෝව මගින් බස් රථ ගණනාවක් ධාවනයට එක් කර ඇති අතර , පෞද්ගලික බස් රථ ගණනාවක්ද ධාවනයට එක් කර ඇති බවයි වාර්තා වන්නේ.
