මීට කලින් කාලා තියෙනවද? දකුණට ආවේණික සුපිරි කෑමක්.

මේකට කියන්නේ සීනී වඩිච්චි කියලා. දකුණට ආවේණික ජනප්‍රිය සුපිරි කෑමක් තමයි ඉතින්. ඔයාටත් පුළුවන් මේ විදිහට කුරුම්බා ගෙඩියකින් හදාගන්න. වැඩි වියදමක් නැහැ.

අවශ්‍ය ද්‍රව්‍ය

🍈 කුරුම්බා ගෙඩියක්,

🍈 සීනී (ඔබේ රස පදමට)

🍈 හුලං විස්කෝතු ටිකක්

🍈 නෙක්ටෝ හෝ කොමඩු ජූස් ටිකක්

🍈 ( කැමති නම් හබල පෙති ටිකක් දාගන්නත් පුළුවන්. ඒකත් රසයි) 

සාදාගන්න ආකාරය

🍈 කුරුම්බා ගෙඩියේ කට ගැඹුරට කපලා වතුර ටික වෙනම, ලොඳ ටික වෙනම භාජනයකට අයින් කරන්න.

🍈 දැන් කුරුම්බා ගෙඩිය ඇතුලට මුලින්ම කුරුම්බා වතුර ඊට පස්සේ ලොඳ ටික එකතු කරන්න.

🍈 ඊටම සීනී, හුළං විස්කෝතු, ( කැමති නම් හබල පෙති) සහ නෙක්ටෝ හෝ කොමඩු ජූස් ටිකත් එකතු කරලා පැය භාගයක් වසා තබන්න.

🍈 පැය භාගයකට පස්සේ කුරුම්බා ගෙඩියේ තියෙද්දිම හැන්දකින් රස බලන්න.