ප්‍රදේශයක් උණුසුම් කරමින් තවත් බිහිසුණු වෙඩි තැබීමක්..

මෝදර පොලිස් වසමේ දී ඊයේ (13) රාත්‍රියේ වෙඩිතැබීමක් සිදුව තිබෙන බව වාර්තා වනවා.

මෙම වෙඩිතැබීමෙන් පුද්ගලයෙකු තුවාල ලබා කොළඹ ජාතික රෝහලට ඇතුළත් කළ බවයි, පොලීසිය සඳහන් කළේ.

එලෙස තුවාල ලබා ඇත්තේ අවුරුදු 51 ක්වූ මහවත්ත පටුමඟ, කොළඹ 14 යන ලිපිනයේ පදිංචිකරුවෙක් බවයි පැවසෙන්නේ.

තුවාලකරු මෝදර වීදිය ප්‍රදේශයේ පිහිටි අවන්හලක කළමනාකරු වශයෙන් සේවය කරන අතර, ඔහු එම අවන්හලේ ගේට්ටුව ආසන්නයේ සිටිය දී කාර් රථයකින් පැමිණි නාඳුනන පුද්ගලයින් විසින් මෙම වෙඩිතැබීම සිදුකර තිබේ.

සැකකරුවන් පළා ගොස් ඇති බවත් වෙඩිතැබීම සඳහා පිස්තෝල අවියක් භාවිත කර ඇති බවට සැක පළ කරන බවයි, පොලීසිය පැවසුවේ ප්‍රකාශ කර සිටියේ.

වෙඩිතැබීමට හේතුව මෙතෙක් අනාවරණය වී නොමැති අතර, සැකකරුවන් අත්අඩංගුවට ගැනීම සඳහා වැඩි දුර විමර්ශන ක්‍රියාත්මක කර ඇත.