මිත්තණියගේ කොට්ටය යටින් ලක්ෂ 14ක් සොරා ගත් මුණුබුරා අත්අඩංගුවට..

සිය මිත්තණියගේ කොට්ටය යට සඟවා තිබු ලක්ෂ 14ක මුදලක් සොරකම් කළ සිසුවෙක් අත්අඩංගුවට ගෙන තිබෙනවා.

අදාළ කාන්තාව රබර් කිරි ව්‍යාපාරයක නිරත වන අතර පසුගිය 01 වන දින ඇය සිය ව්‍යාපාර කටයුතු සඳහා නිවසින් පිටතට ගිය අවස්ථාවේදී මෙම සොරකම සිදු වී ඇති බවයි වාර්තා වන්නේ.

වැඩිදුර විමර්ශනෙවලදී අනාවරණය වුයේ අදාළ කාන්තාවගේ මුණුබුරෙකු විසින් මෙම සොරකම සිදු කර ඇති බවයි.

ඒ අනුව දොඩංගොඩ පොලිසිය විසින් අදාළ සිසුවා අත්අඩංගුවට ගත් අතර ලක්ෂ 14ක මුදල ඔහුගේ නෑදෑ නිවසක කෙසෙල් පඳුරක් අසල වල දමා තිබියදී සොයා ගැනීමට හැකි වූ බවයි සඳහන් වන්නේ.

මෙලෙස අත්අඩංගුවට ගෙන ඇත්තේ වයස අවුරුදු 14ක දොඩංගොඩ පැපිලියාවල ප්‍රදේශයේ පදිංචිකරුවෙක්.

කෙසේ වෙතත් පොලිසිය පැවසුවේ අදාළ සැකකරු මතුගම මහේස්ත්‍රාත් අධිකරණයට ඉදිරිපත් කිරීමට නියමිතව ඇති බවයි. .