අද රෑ වෙන අමුතු දිස්වීම - ආය වෙන්නේ 2037.. එළියට බැහැලා උඩ බැලුවොත් මොකක්ද මේ කියලා බලාගන්න පුලුවන්..
krishani
in ශ්‍රී ලංකාවදුර්ලභ තාරකා විද්‍යාත්මක සිදුවීමක් ලෙස හදුන්වන සෙනසුරු ග්‍රහයා චන්ද්‍රයාගේන් වැසීයාම මෙරට අහසේ දිස්වීමට නියමිතය.
ආතර් සී ක්ලාක් මධ්‍යස්ථානයේ සභාපති කොළඹ විශ්ව විද්‍යාලයේ ජ්‍යෙෂ්ඨ කථිකාචාර්ය චන්දන ජයරත්න පැවසුවේ මෙම සිදුවීම 24 වනදා දිස්වන බව ය.
මෙය දුර්ලභ තාරකා විද්‍යාත්මක සිදුවීමක් බවත් ජූලි 24 මධ්‍යම රාත්‍රියෙන් පසුව ජූලි 25 වනදා පෙරවරු 00.40ට පමණ සඳ දෙස බැලීමෙන් එම සංසිද්ධිය පියවි ඇසින් නිරීක්ෂණය කළ හැකි බව ආතර් සී ක්ලාක් මධ්‍යස්ථානය සඳහන් කළේ ය.
එම සංසිද්ධිය දුරේක්ෂයක් හෝ දුරදක්නයක් ආධාරයෙන් වඩාත් හොඳින් නිරීක්ෂණය කිරීමට හැකි වේ.
එක් ආකාශ වස්තුවක් තවත් ආකාශ වස්තුවක් ඉදිරියෙන් ගමන් කිරීම නිසා එහි දර්ශනය අවහිර වීමෙන් මෙවන් සංසිද්ධියක් සිදු වේ.
චන්ද්‍රයා, සෙනසුරු ග්‍රහලෝකය ඉදිරියෙන් ගමන් කරන විට එය පෘථිවියට නොපෙනී ගොස්, ආසන්න වශයෙන් පැය එකයි මිනිත්තු විස්සක් පමණ චන්ද්‍රයාගෙන් වැසී පවති.
එම සංසිද්ධිය පෘථිවියේ ඇතැම් ප්‍රදේශවලට පමණක් දැකගත හැකි වේ.
නැවත වරක් මෙවැනි සංසිද්ධිය ශ්‍රී ලංකාවාසීන්ට දර්ශනය වන්නේ 2037 අප්‍රේල් 24 වනදා බව ආතර් සී ක්ලාක් මධ්‍යස්ථානය පවසයි.
කෙසේ වෙතත්, ශ්‍රී ලංකා විවිධ ප්‍රදේශවලට එම සිදුවීම දර්ශනය වන වේලාවන් සුළු වශයෙන් වෙනස් වේ.
