ශ්‍රී ලංකාවේ කඩාවැටීමට වගකිව යුත්තන් ගැන සමන්තා පවර් හෙළි කරයි.

ශ්‍රී ලංකාවට අතිරේක සහායක් ලෙස ඇමෙරිකා ඩොලර් කෝටි 6ක මුදලක් ලබා දෙන බව ජාත්‍යාන්තර සංවර්ධනය සඳහා වන එක්සත් ජනපද නියෝජිත ආයතනයේ ප්‍රධානී සමන්තා පවර් මහත්මිය පවසනවා.

ඇය ඒ බව සඳහන් කළේ, ඇමෙරිකා තනාපති කාර්යාලයේ පැවැති ප්‍රවෘත්ති සාකච්ඡාවකදීයි.

ඇය එහිදී වැඩිදුරටත් කියා සිටියේ, දේශපාලකයන්ගේ සහ රජයේ ඇතැම් ඉහළ නිලධාරීන් තම නිලය භාවිත කරමින් වාසි ලබා ගැනීමට තැත්කිරීම, ඇතුළු කරුණු රැසක් ශ්‍රී ලංකාවේ කඩා වැටීමට හේතු බවයි.

එමෙන්ම ශ්‍රී ලංකාවේ ආර්ථික අර්බුදය හේතුවෙන් ජනවාව විදින දුෂ්කරතා දැක තමන් කනගාටුවට පත් වූ බව ඇය මෙහිදී පවසා සිටියා.

මේ අතර පවර් මහත්මිය වැඩිදුරටත් අවධාරණයේ කළේ, ශ්‍රී ලංකාවට ආධාර ලැබූ පමණින් මෙම අර්බුදයෙන් ගොඩ ඒමට නොහැකි බවත් ඒ සඳහා ආර්ථික සහ දේශපාලනික ප්‍රතිසංස්කරණ සමාන්තරව ක්‍රියාත්මක විය යුතු බවයි.