කටුනායක ගුවන්තොටුපොළේ රදවා තබාගෙන තිබෙන අර්බුදයක් වුන ගුවන්යානය..

රුසියානු ඒරොෆ්ලොට් මගී ගුවන්යානය කටුනායක ගුවන්තොටුපළේ රඳවා ගැනීම සම්බන්ධයෙන් මෙරට විදේශ කටයුතු අමාත්‍යංශය නිවේදනයක් නිකුත්කර ඇති අතර එහි වැඩිදුරටත් සදහන් වන්නේ එම ගුවන්යානය සම්බන්ධයෙන් අධිකරණය මෙතෙක් අවසන් තීරණයකට එළඹ නොමැති බවයි.

පසුගිය ජුනි 02 වනදා බස්නාහිර පළාත් වාණිජ මහාධිකරණය ලබාදුන් නියෝගයකට අනුව එම ගුවන්යානය කටුනායක ගුවන්තොටුපළෙන් ගුවන්ගතවීම තහනම් කර තිබුණු අතර  එම සිද්ධිය වාණිජමය ආරවුලක් සම්බන්ධයෙන් අයර්ලන්ත සමාගමක් විසින් ඒරෝෆ්ලොට් සමාගම ඇතුළු විත්තිකරුවන්ට එරෙහිව ලබාගත් අධිකරණ නියෝගයක් බව විදේශ කටයුතු අමාත්‍යංශය සඳහන් කළේය.