හරියටම Meaning එක දැනගෙන රෝස මල් දෙන්න.

රෝස මල කියන්නේ ලොව පුරා ජනප්‍රිය වගේම බොහෝ දෙනෙකුගේ ප්‍රියතම මලක්නේ. ඒ වගේම මල් ලොවේ රැජිණ ලෙසයි රෝස මල හඳුන්වන්නේ. එක එක පාටින්, එක එක සුවඳින් රෝස මල් වර්ග දහස් ගණනක් ලෝකයේ තියෙනවා. ඉතින් ඔය කොයි වර්ගය වුණත් අපිට ලස්සනයි.

🌷 මල් වලින් සංකේතවත් කරන්නේ ආදරයේ සිට වෛරය දක්වා, ප්‍රීතියේ සිට දුක දක්වා, ගෞරවය හා කෘතඥතාව ප්‍රකාශ කිරීම වැනි විවිධ මානව හැඟීම්. ඒ වගේම අපි සාමාන්‍යයෙන් wish කරද්දී හෝ විවිධ අවස්ථාවන්ට අනුව රෝස මලකින් හෝ පොකුරක් පිරිනමලා තමයි තවත් කෙනෙක්ව සතුටු කරන්න පුරුදුවෙලා ඉන්නේ.ඒත් සමහරු රෝස මල් තෝරාගන්නේ තමන්ට හිතගිය, එහෙමත් නැත්නම් තමන් ආස පාටින්.

🌷 ඒත් ඔබ දන්නවද මෙම රෝසමල මගින් බොහෝ අර්ථ සංකේතවත් කරන බව. එහෙම වෙන්නේ රෝස මලේ වර්ණය අනුවයි. ඒ වගේම එම සංකේතව එකිනෙකට වෙනස්. රෝස මල පොදුවේ ගත්විට ඕනෑම රෝස මලක් මගින් ආදරය, ගෞරවය, විශ්වාසය, සුන්දරත්වය, රහස්බව හා භක්තිය සංකේතවත් වෙනවා. 

රතු රෝස මල්

🌹 ආදරයද, සුන්දරත්වයද, නිර්භීතකම හා ගෞරවයද, සතුටද ප්‍රකාශ වෙනවා. ඒ වගේම රතු රෝසමලක් තෑගි කිරීමෙන් නිහඩව ප්‍රේමය ප්‍රකාශ කිරීමක්ද සිදුවන අතර එය අවංක ආදරයක් බවද පිළිගැනෙනවා. dark red වලින් සංකේතවත් වෙන්නේ සැබෑ සුන්දරත්වයයි.

කහ රෝස මල්

🌹 කහ පාට රෝස මල් භාවිත කරන්නේ ප්‍රීතිය, සතුට, මිත්‍රත්වය, නව අරම්භයකදී වන පොරොන්දුව, පිළිගැනිම, මෙන්ම ඊර්ෂ්‍යාව සංකේතවත් කිරීම සඳහා.

රතු පාට කෙළවරක් සහිතකහ පාට රෝස මල්

🌹 මිත්‍රත්වය හා ආදරය සංකේතවත් වෙනවා.

තැඹිලි රෝස මල්

🌹 අපේක්ෂාව හා උද්යෝගයද සංකේතවත් වෙනවා.

සුදු රෝස

🌹 පිවිතුරු බව, අහිංසක බව සහ ගෞරවය ( අහිංසකත්වය සහ පාරිශුද්ධත්වය, ගුණවත්කමයි) පෙන්නන්න සුදු රෝස මල් ලබා දෙනවා.

ලා රෝස පැහැති රෝස මල්

🌹 කෘතඥතාවය දැක්වීමට. මුදු මොළොක් බව, ආදරය, අනුකම්පාව පෙන්වයි.

තද රෝස පැහැති රෝස මල්

🌹 අගය කිරීම, ප්‍රසාදය පල කිරීම, කෘතඥතාව, ගෞරවය, නිර්භීතකම සංකේතවත් කරයි.

දම් රෝස

🌹 මෙය සමෘද්ධියේ සංකේතයක්. මෙය අසාමාන්‍ය රෝස මලකි, එය බලයේ සංකේත වලින් සමන්විතයි. එය ධනවත් හා ධනවත් මිනිසුන්ට ලබා දෙයි.

නිල් රෝස

🌹 අභිරහසක්. කෘතිමව අභිජනනය කරන ලද මල් අද්භූත හා ආකර්ෂණීය චරිත ලක්ෂණ සහිත මිනිසුන්ට විශේෂ ලබා දෙනවා.

කළු රෝස

🌹 සමුගැනීමේ සංකේතයක්. මෙම මල් ශෝක මල් ලෙස භාවිතා කරයි, වෙන්වීම සහ මරණය ප්‍රකාශ කරයි.

Cream පැහැති රෝස

🌹 සිතේ ඇති කැමැත්ත

Salmon පැහැති රෝස

🌹 ආශාව සහ ප්‍රීතිය

Green පැහැති රෝස

🌹 ජීවිතය