බීමතින් රිය පදවා කාන්තාවක් මරණයට පත් කළ තරුණයෙකුට ලැබුණු දඩුවම

බීමත්ව රිය පදවා 36 හැවිරිදි කාන්තාවක් මරණයට පත් කිරීම ඇතුළු චෝදනා 6කට වරද පිළිගත් තරුණයෙකුගේ රියදුරු බලපත්‍රය ජිවිතාන්තය දක්වා අහෝසි කිරීමට මීගමුව මහේස්ත්‍රාත්වරයා නියෝග කළා.

ඊට අදාළ නඩුව ඊයේ මීගමුව මහේස්ත්‍රාත් චම්පික රාජපක්ෂ හමුවේ කැඳවනු ලැබී අතර එහි දී සැකකරුට වසර 10කට අත්හිටවූ මාස 2ක සිරදුඩුවම් සහ රුපියල් පනස් දහසක දඩයක් ද නියම කරනු ලැබුවා.

එසේම මියගිය කාන්තාවගේ මවට, පියාට සහ ස්වාමිපුරුෂයාට රුපියල් ලක්ෂ 2ක වන්දියක් ගෙවන ලෙසයි මහේස්ත්‍රාත්වරයා නියෝග කළේ.

මෙලෙස චෝදනා එල්ල වුයේ 20 හැවිරිදි රත්නපුර ප්‍රදේශයේ පදිංචිකරුවෙකුට යි.