"නෑ නෑ දෙවෙනියා.." - ජනපති ඇඟිලි දෙකක් පෙන්වා අංගචලනයෙන් කී දේ..

ජනාධිපති රනිල් වික්‍රමසිංහ මහතාගේ ප්‍රධානත්වයෙන් එතුමා විසින් කැඳවා තිබූ සර්වපාක්ෂික සමුළුවේ දී විමල් වීරවංශ මහතා විසින් එහිදී ප්‍රකාශයක් කළේ ය.

ඒ ශ්‍රී ලංකාවේ අනුප්‍රාප්තික පළමු ජනාධිපතිවරයා ඔබතුමා යැයි රනිල් වික්‍රමසිංහ මහතාට පවසමින් ය.

එහිදී ජනාධිපති රනිල් වික්‍රමසිංහ මහතා සිය ඇඟිලි දෙකක් පෙන්වා තමා දෙවැනියා ලෙස අංගචලනයෙන් ඔහුට කියා සිටියේ ය.

ඒ මොහොතේ දී ම විමල් වීරවංශ මහතා විසින් පසුව තමාගේ කතාව නිවැරදි කර ගැනීමට කටයුතු කළේ ය.

මෙම සර්ව පාක්ෂික සමුළුවේ දී ජාතික නිදහස් පෙරමුණ විසින් රටේ ඒකීයභාවය සහ සංහිඳියාව ඇති කිරීම සඳහා යෝජනාවලියක් ද  ජනාධිපතිවරයාට භාර දෙනු ලැබීය.

කෙසේ වෙතත්, මෙරට පළමුවන අනුප්‍රාප්තික ජනාධිපතිවරයා වන්නේ ආර්.ප්‍රේමදාස ජනාධිපතිවරයා මියයෑමෙන් පසු අනුප්‍රාප්තික ජනාධිපතිවරයා ලෙස පත් වූ ඩී. බී. විජේතුංග මහතායි.