අගමැති නිවසට ගිනි තැබීම ගැන ක්‍රීඩකයින්, දේශපාලනඥයින් ඇතුළු ප්‍රබලයින් රැසකගෙන් ප්‍රතිචාර..!
අග්රාමාත්ය රනිල් වික්රමසිංහ මහතාගේ කොළඹ 5 වැනි පටුමගේ පෞද්ගලික නිවසට ගිනි තැබීම දේශපාලනඥයින් සහ ප‍්‍රමුඛ පෙළේ පුද්ගලයන් රැසක් හෙළා දැක තිබෙනවා.
දෙමළ ජාතික සන්ධානයේ පාර්ලිමේන්තු මන්ත්‍රී එම්ඒ සුමන්තිරන් මහතා පැවසුවේ අග්‍රාමාත්‍යවරයාගේ පෞද්ගලික නිවසට ගිනි තැබීම තමන් එකහෙළා හෙළා දකින බවයි.
අග්‍රාමාත්‍යවරයා එම ධූරයට පත් වූ දා සිට මට ඔහු සමඟ මතභේද ඇති නමුත් මෙය කිසිසේත් අනුමත කළ නොහැකි බව ඔහු පැවසීය.
මේ අතර SJB පාර්ලිමේන්තු මන්ත්‍රී ඉරාන් වික්‍රමරත්න ද අග්‍රාමාත්‍යවරයාගේ නිවසට එල්ල වූ ප්‍රහාරය හෙළා දකිනවා. "මෙම ප්‍රචණ්ඩ ක්‍රියා සමාජයේ අර්ථවත් වෙනසක් සඳහා වන කැඳවීම පිළිබිඹු නොකරයි!" ඔහු ට්වීට් කළේය.
අග්‍රාමාත්‍යවරයාගේ නිවසේ සිදුවූ ප්‍රචණ්ඩ ක්‍රියාව හෙළා දැකීමට පාර්ලිමේන්තු මන්ත්‍රී නාලක ගොඩහේවා ද එක්වුණා. හිටපු ක්‍රිකට් නායකයින් වන සනත් ජයසූරිය සහ මහල ජයවර්ධන ද අග්රාමාත්ය නිවසට ගිනි තැබීම හෙළා දැක තිබෙනවා.
“ප්‍රචණ්ඩත්වය කිසි විටෙකත් විසඳුම නොවේ. මේ ක්‍රියාව මුළු හදවතින්ම හෙළා දකිනවා...” මහේල ට්විටර් පණිවුඩයක් නිකුත් කළේය. “අපි දේශපාලනික වශයෙන් අගමැතිතුමා සමඟ එකඟ නොවෙමු, ඔහුගේ නිවස රාජකීය විද්‍යාලයට පරිත්‍යාග කර ඇත.
මෙය වැරදියි කරුණාකර සන්සුන්ව සිටින්න." සනත් ජයසූරිය ට්වීට් කළේය. අග්රාමාත්ය රනිල් වික්රමසිංහ මහතා මීට පෙර සිය පෞද්ගලික නිවස රාජකීය විද්‍යාලයට පරිත්‍යාග කළේය.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න... |
![‘ජවිපෙ දේශපාලන ව්‍යාපෘතියක් හරහා රාජ්‍යය පාලනයට යයි’ - පාඨලීගෙන් භයානක හෙළිදරව්වක් [VIDEO]](https://cdn.ibcstack.com/article/d9ce6551-171f-415a-b9bc-f3ceed8ea148/25-6856d03168c6e-sm.webp)
