රනිල්, චන්ද්‍රිකා, හිරුණිකා එක්වෙයි.? - මේ දිනවල සංසරණය වන ඡායාරූපයේ ඇත්ත එළියට. - (PHOTOS)
දේශපාලනඥයින් පක්ෂ මාරුවීම මෙන්ම, පක්ෂ භේදයකයින් තොරව සුහද හමුවලදී විරුද්ධ පාක්ෂිකයින් සමග ලබා ගන්නා ඇතැම් ඡායාරූප විවිධාකාරයෙන් සමාජ මාධ්‍ය තුළ හුවමාරු වන අතර එමඟින් විවිධ පුවත් ද නිර්මාණය වීම දක්නට ලැබෙනවා.
එලෙස මේ දින වල ද හිරුණිකා ප්‍රේමචන්ද්‍ර, මෑතකදී ජනාධිපති රනිල් වික්‍රමසිංහ සහ හිටපු ජනාධිපතිනි චන්ද්‍රිකා කුමාරතුංග හමු වූ බවට සඳහන් කරමින් ඡායාරූපයක් සමාජ මාධ්‍ය තුළ සංසරණය වෙනවා.
මේ සම්බන්ධයෙන් බොහෝ දෙනෙක් පවසා තිබුනේ, හිරුනිකා, ජනපති රනිල් සහ හිටපු ජනාධිපතිනි චන්ද්‍රිකා එකට එක්ව ඇති බවයි.
කෙසේ වෙතත් එම ඡායාරූප මෑතකාලීන ඡායාරූප නොවන බවත්, මීට වසර පහකට පෙර ලබාගත් ඡායාරූප බවත් සිදු කළ විමර්ශනයකදී අනාවරණය වී තිබෙනවා.
ඒ, අනුව එම ඡායාරූප ලබාගෙන තිබුණේ 2019 වසරේ යහපාලන ආණ්ඩුව සමයේ, අරලියගහ මන්දිරයේ පැවති සාදයක දීයි. ඒ එවකට අගමැතිව සිටි රනිල් වික්‍රමසිංහ මහතාගේ උපන්දින උත්සවයකදීයි.
