දුම්රිය මගීන්ට අද උදෑසනම ලැබුණ අලුත්ම ආරංචිය මෙන්න..
Aruna
in ශ්‍රී ලංකාවවර්ජනය ක්‍රියාත්මක වුවත්, කාර්යාල දුම්රිය ඇතුළු දුම්රිය 35ක් අද ධාවනය කරන බව දුම්රිය දෙපාර්තමේන්තුව ප්‍රකාශ කර සිටිනවා.
පසුගියදා මෙම වර්ජනය ආරම්භ කළේ, ඉල්ලීම් කිහිපයක් මුල් කරගනිමින් ඒවා දිනාගැනීමේ අරමුණින්.
දුම්රිය ස්ථානාධිපතිවරුන් සහ දුම්රිය පාලකවරුන් මෙම වර්ජනය ආරම්භ කළේ, උසස්වීම් ලබා නොදීම හා බඳවා ගැනීම් සිදු නොකිරීම ඇතුළු කරුණු කිහිපයක් මුල්කර ගෙනයි.
මේ අතර,ඊයේ දහවල් 12.00ට පෙර සේවයට වාර්තා කරන ලෙස සියලුම දුම්රිය ස්ථානාධිපතිවරුන් සහ නියාමකවරුන් වෙත නිවේදනයක් නිකුත් කළා.
සේවයට වාර්තා කිරීමට අපොහොසත් වීම සේවයෙන් ඉවත් වූවක් ලෙස සලකන බවයි, දුම්රිය දෙපාර්තමේන්තුව සඳහන් කළා.
මේ අතර ශ්‍රී ලංකා දුම්රිය ස්ථානාධිපති සංගමයේ වෘත්තීය ක්‍රියාමාර්ගය සඳහා සහය දීමට උප දුම්රිය ස්ථානාධිපති සංගමය ද ඊයේ තීරණයකර කළේ ය.
ශ්‍රී ලංකාව පුරා උප දුම්රිය ස්ථාන 172 ක් ඇති අතර ඒ අනුව මෙම වෘත්තීය ක්‍රියාමාර්ගය හේතුවෙන් දුම්රිය ධාවන කටයුතුවලට තවත් බලපෑම් සිදුවනු ඇති බවයි වාර්තා වෙන්නේ.
