පාන් මිල සහ බනිස් මිල අඩුකරන්න යයි.. දෙන්න හදන නව මිල මෙන්න..

පාන් ගෙඩියක මිල රුපියල් 100 දක්වා පහත දැමීමට බලාපොරොත්තු වන බව සමස්ත ලංකා බේකරි හිමියන්ගේ සංගමය පවසනවා.

විවිධ බදු වර්ග සහ ඩොලරයේ අගය හේතුවෙන් බේකරි නිෂ්පාදනවල මිල ඉහළ යාම සිදුවී ඇති බවයි, එහි සභාපති එන්. කේ. ජයවර්ධන මහතා පැවසුවේ.

තම සංගමයේ එකම බලාපොරොත්තුව පාන් ගෙඩියක මිල රුපියල් 100 හෝ ඊට අඩුවෙන් පවත්වාගෙන යාම බවයි එන්. කේ. ජයවර්ධන මහතා කියා සිටියේ.

ඔහු වැඩිදුරටත් සඳහන් කළේ, සමස්ත ලංකා බේකරි හිමියන්ගේ සංගමය මූලිකත්වයෙන් ඉදිරියේදී රජය සමග සාකච්ඡා කර ග්‍රෑම් 450ක පාන් ගෙඩියක් රුපියල් 100ක පමණ මුදලකට ලබාදීමට කටයුතු කරන බවයි.

එමෙන්ම රජය මැදිහත් වන්නේ නම් අනිවාර්යයෙන්ම පාන් ගෙඩියක් රුපියල් 100ක මුදලකට ලබාදීමට සහ බනිස් ගෙඩියක මිල රුපියල් 10ක් හෝ 15ක් වැනි මුදලක් අඩු කිරීමට හැකියාව පවතින බවයි.

දරුවට කන්න දෙනකොටම පාන් ගෙඩිය ඇතුළේ බීඩි කොටයක් - පාන් කන එකත් නතර කළ පාන් ගත්ත අම්මා.. (PHOTO)