මහමග යන පුද්ගලයන්ගේ දේපළ සහ රන් භාණ්ඩ කොල්ල කාලා..

මහමග ගමන් ගන්නා පුද්ගලයන්ගේ රන් මාල සහ දේපළ කොල්ලකෑම්වලට සම්බන්ධ සැකකරුවන් දෙදෙනෙකු බස්නාහිර පළාත් දකුණ අපරාධ කොට්ඨාශය විසින් ඊයේ(21) අත්අඩංගුවට ගෙන ඇත.

ඒ ලැබුනු තොරතුරකට අනුව වැලිකඩ ප්‍රදේශයේදී ය.

වැලිකඩ පොලිසියට භාරදුන් මෙම සැකකරුවන්ගෙන් සිදු කළ ප්‍රශ්න කිරීම්වලදී බොරැල්ල සහ වැලිකඩ පොලිස් වසම්වල සිදු කළ රන් මාල හා ජංගම දුරකථන කොල්ලකෑම් සම්බන්ධ තොරතුරු අනාවරණ වී ඇත.

සැකකරුවන්ගෙන් ලැබුණු තොරතුරු මත කොල්ලකන ලද රන් මාලයක් සහ ජංගම දුරකථන තුනක් ද පොලිසිය විසින් සොයාගෙන ඇත.

මෙම පුද්ගලයන් රාජගිරිය බණ්ඩාරනායකපුර ප්‍රදේශයේ පදිංචි 28 හැවිරිදි දෙදෙනෙක් වන අතර අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතයි.

වැලිකඩ පොලිසිය සහ බස්නාහිර පළාත් දකුණ අපරාධ කොට්ඨාශය වැඩිදුර විමර්ශන සිදුකරයි.