ඉසුරු උදානගේ නැන්දම්මගේ ගෙදරට පැනලා පහර දුන්නේ කවුද?. මේ දැන් ලැබුණ ආරංචිය මෙන්න..

හිටපු ශ්‍රී ලංකා ක්‍රිකට් ක්‍රීඩක ඉසුරු උදානගේ නැන්දණිය (බිරිඳගේ මව) පදිංචි හෝමාගම, දුම්රියපොළ පාරේ තෙමහල් නි‍වෙසට ඇතුළු වී තියුණු ආයුධයකින් පහරදී නිවස කොල්ල කෑ පුවතක් පිළිබඳව තොරතුරු පසුගියදා වාර්තා විය.

ඒ සම්බන්ධයෙන් පුද්ගලයෙක් බස්නාහිර පළාත දකුණ දිසාව අපරාධ කොට්ඨාසය විසින් අත්අඩංගුවට ගෙන තිබෙනවා.

ඉකුත් මාර්තු මස 28 වැනිදා රාත්‍රී 11.00 ට පමණ පුද්ගලයෙකු මෙම නිවෙසට ඇතුළු වී ඇත.

එමෙන්ම, ඇයට පිහියකින් පහරදී බරපතළ තුවාල සිදුකර ගෘහ සේවිකාව නාන කාමරයේ සිරකර රුපියල් ලක්ෂ 72ක රන් ආභරණ තොගයක් කොල්ල කා පලාගොස් තිබෙනවා.

අනතුරුව මේ සම්බන්ධයෙන් සිදුකළ විමර්ශනවලින් අනතුරුව සිව් මසකට පසුව පුද්ගලයෙක් අත්අඩංගුවට ගෙන ඇත.

කෙසේ වෙතත්, පොලිසිය සඳහන් කළේ එම සැකකරු දිවයිනේ ලියාපදිංචි අපරාධකරුවකු (IRC) බවයි.