හිසරදයක් වෙලා තිබ්බ සොඳුර අත්අඩංගුවට..!
krishani
in ශ්‍රී ලංකාව'සොඳුර' නමැති අන්වර්ථ නාමයෙන් හඳුන්වන සැකකරුවෙකු පොලීසිය විසින් අත්අඩංගුවට ගෙන තිබෙනවා.
මොහු වැල්ලම්පිටිය සහ මුල්ලේරියාව ප්‍රදේශවල පිහිටි නිවාසවලට සහ වෙළෙඳසැල් වෙත ඇතුළු වී භාණ්ඩ සොරකමේ නිරත වූ පුද්ගලයෙක් ය.
අදාළ සැකකරු මුල්ලේරියාව ප්‍රදේශයේ පදිංචි 33 හැවිරිදි වියේ පසුවන තදින් අයිස් මත්ද්‍රව්‍යවලට ඇබ්බැහි වූ අයෙක් ය.
සැකකරු අයිස් මත්ද්‍රව්‍ය මිලිගෑම් 5847 ක් සමග කොළොන්නාව සිංහපුර ප්‍රදේශයේ දී පොලීසිය විසින් අත්අඩංගුවට ගෙන ඇත.
සැකකරුගෙන් කළ ප්‍රශ්නකිරීම්වල දී මෙම භාණ්ඩ සොරකම් පිළිබඳව අණාවරණය වී තිබෙනවා.
පොලිසිය සඳහන් කළේ ඔහු සන්තකයේ තිබී ලක්ෂ 8කට ආසන්න භාණ්ඩ තොගයක් ද පොලිස් භාරයට ගත් බවයි.
ඒ අතර රන් ආභරණ, විදුලි උපකරණ සහ බර ඔසවන ජැක් දෙකක් ද තිබී ඇත.
මෙම සැකකරු අත්අඩංගුවට ගෙන ඇත්තේ කොළඹ අපරාධ කොට්ඨාසයේ අපරාධ බුද්ධි ඒකකයේ ස්ථානාධිපතිවරයාට ලද තොරතුරකට අනුව සිදුකළ වැටලීමක දී ය.
