ලක්ෂ 15ක මුදල් හා මෝටර් රථයක් කොල්ල කා සිදු වූ දේ..

රුපියල් ලක්ෂ 15ක මුදලක් සහ මෝටර් රථයක් කොල්ලකෑමේ සිද්ධියකට සැකකරුවන් 4 දෙනෙකු අත්අඩංගුවට ගෙන ඇත.

ඒ පසුගිය 29 වනදා මීරිගම නගරයේ දී පුද්ගලයෙකුට පහර දී ඔහු සතුව තිබූ රුපියල් ලක්ෂ 15ක මුදලක් සහ මෝටර් රථය කොල්ලකා පළාගොස් තිබූ බවට පොලිසියට ලද පැමිණිල්ලකට අනුවයි.

ඒ අනුව සැකකරුවන් 4 දෙනෙකු අත්අඩංගුවට ගෙන ඇති අතර ඔවුන් මීරිගම සහ කල්එළිය යන ප්‍රදේශවල පදිංචිකරුවන් වේ.පැහැර ගන්නා ලද මෝටර් රථය පොලිසිය විසින් සොයාගෙන ඇත.