මෙරට ප්‍රබල සමාජ ක්‍රියාකාරිකයෙක් රිමාන්ඩ්..
krishani
in ශ්‍රී ලංකාවහෙට (31) දිනය දක්වා සමාජ ක්‍රියාකාරී පියත් නිකේෂල රක්ෂිත බන්ධනාගාර ගත කර තිබෙනවා.
ඒ අද ඔහු කොටුව මහේස්ත්‍රාත් තිළිණ ගමගේ මහතා හමුවට ඉදිරිපත් කිරීමෙන් අනතුරුවයි.
ඊයේ (29) ඔහුගෙන් ප්‍රකාශයක් ලබා ගැනීම සඳහා අපරාධ පරීක්ෂණ දෙපාර්තමේන්තුව හමුවට කැඳවා ඇත.
ඒ අවස්ථාවේ දී ඔහුව අත්අඩංගුවට ගෙන තිබෙනවා.
ඒ සමාජ ක්‍රියාකාරිකයෙකු වන ශාන් ගනේගොඩ නැමැත්තා පටිගත කළ මහජන ආරක්ෂක අමාත්‍ය ටිරාන් අලස් සමඟ පැවැත් වූ දුරකතන සංවාදයක් පියත් නිකේෂල ඔහුගේ Youtube සමාජ මාධ්‍යයෙහි පලකර තිබීම හේතුවෙන් ය.
අදාළ වීඩියෝවේ ඇති මාතෘකාව නොමඟ යවන සුළු එකක් බව අපරාධ පරීක්ෂණ දෙපාර්තමේන්තුව සදහන් කර ඇත.
මීට පෙර පියත් නිකේෂල 2023 වසරේ ජූනි 26 වැනිදා ද අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවේ ය.
ඒ 2022 වසරේ ජූලි 09 වන දා අරගලකරුවන් විසින් අග්‍රාමාත්‍ය කාර්යාලයට බලහත්කාරයෙන් ඇතුළු වු අවස්ථාවේ සමාජ මාධ්‍ය ඔස්සේ සජීවී විකාශයක් සිදුකිරීමට අදාළව ප්‍රකාශයක් ලබා ගැනීමට පැමිණි අවස්ථාවේ දී ය.
Sponsored By Sarrita Jewellery
