කනත්තේ අන්නාසි වගා කරලා මරණාධාර සමිතියේ භාණ්ඩාගාරික කරපු හදියක්.
Sri Lanka
By Wayomi
Wayomi
in ශ්‍රී ලංකාවමීරිගම හේනේගම ප්‍රදේශයේ, සුසාන භූමියක් තුළ අන්නාසි වගා කිරීම හේතුවෙන් ප්‍රදේශවාසීන් පීඩාවට පත්වූ පුවතක් වාර්තා වෙනවා.
එම ප්‍රදේශයේ මරණාධාර සමිතියේ අනුමැතියෙන් එහි භාණ්ඩාගාරිකවරයා විසින් මෙම අන්නාසි වගාව කරගෙන යන බවයි වාර්තා වන්නේ.
කෙසේ වෙතත් ඔවුන් පවසන්නේ, මීට වසර 15කට පමණ පෙර මෙම අන්නාසි වගාව ආරම්භ කළ බවත් එවිට ගම්වාසීන්ද විරෝධතාවක් මතු නොකළ බවත්ය.
කෙසේ වෙතත් ප්‍රදේශවාසීන් චෝදනා කරන්නේ, අන්නාසි වගාව ව්‍යාප්‍ත කිරීම හේතුවෙන් අක්කර දෙකක පමණ භූමි ප්‍රමාණයකින් සමන්විත සුසාන භූමියේ මේ වන විට භූමදාන කටයුතු සඳහා ඉතිරිව අත්තේ පර්චස් 5ක වපසරියක් පමණක් බවයි.
එමෙන්ම මේ පිළිබඳව ග්‍රාම නිලධාරීවරයා ඇතුළු වගකිවයුතු නිලධාරීන් දැනුවත් කළද ඊට නිසි ක්‍රියාමාර්ගයක් ගෙන නොමැත.
