රස අන්නාසි චට්නි රෙසිපි එකක්.

චට්නි වර්ග කන්න ගොඩක් දෙනෙක් ආසයිනේ. ඔන්න ඉතින් මේ කියන්න යන්නේ ගෙදරදීම කොහොමද? රස අන්නාසි චට්නි එකක් හදාගන්නේ කියලා.

අවශ්‍ය ද්‍රව්‍ය

🍍 ලොකු අන්නාසි ගෙඩි 1

🍍 සීනි කෝප්ප 3/4

🍍 විනාකිරි කෝප්ප 1/2

🍍 අබ තේ හැන්දක්

🍍 පොල් තෙල් ටිකක්

🍍 වියලි මිරිස් කරල් 2-3

🍍 කුරුඳු පොතු කෑල්ලක්

🍍 ලුණු

🍍 කෑලි මිරිස් තේ හැඳි 2

🍍 එනසාල් 4-5

🍍 කරාබු නැටි 3-4

සාදාගන්න ආකාරය

🍍 භාජනයක් ලිපේ තියලා තෙල් ටිකක් දාලා රත්වෙනකොට අබ ටික දාගන්න.

🍍 ටිකකින් එනසාල්, කරාබු නැටි, කුරුඳු පොතු හා වියලි මිරිස් කරල් තරමක කෑලි කඩලා දාගන්න.

🍍 ගින්දර අඩු මට්ටමේ තියාගන්න.

🍍 ටිකකින් කෑලි මිරිස් ටික දාගන්න. කලවම් කරන ගමන් වතුර කෝප්ප 1ක් වගේ දාගෙන ඒකටම විනාකිරි හා සීනි දාගන්න.

🍍 සීනි හොඳට දියවෙලා උතුරගෙන එනකොට පොඩියට කපාගත් අන්නාසි කෑලි එකතු කරන්න.

🍍 අන්නාසි බෙරි වෙලා තෙත හිඳුනු උකු මිශ්‍රණයක් එනකම් පිසගන්න. ගින්දර නම් වැඩි කරගන්න එපා ඉක්මණින් කර වෙන්න පුළුවන්.