සිය මිතුරාගේ මළගෙදරට ගිය පුද්ගලයෙක් ඝාතනය වෙයි.

සීදුව ලියනගේ මුල්ල ප්‍රදේශයේදී පුද්ගලයෙකු කපා කොටා ඝාතනය කර තිබෙනවා.

එලෙස ඝාතනය වී ඇත්තේ එම ප්‍රදේශයේම පදිංචි හතලිස්පස් හැවිරිදි පුද්ගලයෙක්.

එම පුද්ගලයා මිතුරෙකුගේ මලගෙදරකට සහභාගී වී සිටි අවස්ථාවකදී යතුරුපැදියකින් පැමිණි පුද්ගලයින් දෙදෙනෙකු විසින් මෙම ඝාතනය සිදුකර ඇති අතර ඝාතනය පෞද්ගලික ආරවුලක් මත සිදු වූ එකක් බවයි වාර්තා වන්නේ.

සීදුව පොලීසිය සිදුවීම සම්බන්ධයෙන් වැඩිදුර පරීක්ෂණ ක්‍රියාත්මක කර ඇති බව සඳහන්.