නිශාන්ත වික්‍රමසිංහ තවදුරටත් රිමාන්ඩ්

ශ්‍රීලංකන් ගුවන් සමාගමේ හිටපු සභාපති නිශාන්ත වික්‍රමසිංහ මහතා ලබන ජුලි 15 වනදා දක්වා තවදුරටත් රක්ෂිත බන්ධනාගාර ගත කරන ලෙස කොළඹ මහෙස්ත්‍රාත් අධිකරණය අද ( 01) නියම කළේය.

අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් සහ විත්ති පාර්ශවයේ නීතිඥවරුන් ඉදිරිපත් කළ කරුණු සලකා බැලීමෙන් අනතුරුව, කොළඹ ප්‍රධාන මහෙස්ත්‍රාත් තනුජා ලක්මාලී ජයතුංග මහත්මිය මෙම නියෝගය නිකුත් කළාය. 

එම නියෝගයට අනුව, ජුලි 15 වනදාට පෙර විමර්ශන කටයුතු අවසන් කර, ඒ සම්බන්ධ කරුණු අධිකරණයට වාර්තා කරන ලෙස අල්ලස් කොමිසමට මහෙස්ත්‍රාත්වරිය නියම කළාය. 

මෙම නඩුව ශ්‍රී ලංකාවේ රාජ්‍ය ආයතනවල විනිවිදභාවය සහ වගවීම පිළිබඳව පුළුල් කතිකාවක් ඇති කර ඇති අතර, ඉදිරි විමර්ශනවල ප්‍රගතිය සම්බන්ධයෙන් මහජන අවධානය යොමුව තිබේ.