ඒ පාර මොකක්ද මේ කරන්නේ? - ලංකාවෙන් අන්නාසි අඹ යවා නවසීලන්තයෙන් ගව ශුක්‍රාණු ගෙන්වයි.
Wayomi
in ශ්‍රී ලංකාවමෙරට කිරි නිෂ්පාදනය ඉහළ නැංවීමට උසස් ගව ශුක්‍රාණු ආනයනය අවශ්‍ය බව කෘෂිකර්ම හා වැවිලි කර්මාන්ත ඇමැති මහින්ද අමරවීර මෙරට නවසීලන්ත මහ කොමසාරිස් David Pineට දැනුම් දී තිබෙනවා.
ශ්‍රී ලංකාවේ කිරි නිෂ්පාදනය ඉහළ නැංවීම සම්බන්ධව ඇමැතිවරයා සහ නවසීලන්ත මහ කොමසාරිස්වරයා අතර සාකච්ඡාවක් කෘෂිකර්ම අමාත්‍යාංශයේදී පසුගිය (30) පැවැත්විණි.
මෙරටට උසස් තත්ත්වයේ ගවයන්ගේ හිඟයක් පවතින බව ද ඇමැතිවරයා සඳහන් කළ අතර ලංකාවේ කිරි කර්මාන්තය නංවාලීම සඳහා අවශ්‍ය තාක්ෂණය ලබාදීමට නවසීලන්ත රජයේ සහයෝගය ලබාදීමට ද නවසීලන්ත මහකොමසාරිස්වරයා එකගතාවය පළ කර ඇත.
ඒ,අනුව දේශීය කිරි අවශ්‍යතාවයෙන් සියයට 60ක් පමණ තවමත් ආනයනය කෙරෙන බවත්,මෙරට නිෂ්පාදිත අන්නාසි හා අඹ නවසීලන්තයට අපනයනය කිරීම සඳහා අවස්ථාව ලබා දීමට මෙම සාකච්ඡාවේ දී මහකොමසාරිස්වරයා එකඟතාවය පළ කළ බවත් ඇමතිවරයා පවසනවා.
එමෙන්ම විදේශ වෙළෙඳපළේ ඉහළ ඉල්ලුමක් ඇති HAAS නැමැති අලිගැටපේර වගාව මෙරට මධ්‍යම කඳුකරය ආශ්‍රිතව වගා කිරීම ආරම්භ කර තිබෙන බවත්, එම වගාව සඳහා තවදුරටත් නවසීලන්ත රජයේ සහයෝගය ලබාදෙන ලෙස කෘෂි තාක්ෂණය පිළිබඳ අතිරේක ලේකම් ශිරෝමණී එදිරිමාන්න මෙහිදී ඉල්ලීමක් කළා.
