කිරි නිපදවීම සම්බන්ධයෙන් රජය විසින් හදිසියේම තීරණයක් ගනී..
Aruna
in ව්යාපාරිකජාතික පශු සම්පත් සංවර්ධන මණ්ඩලයෙන් හා මිල්කෝ ආයතන මගින් මුදවන ලද කිරි නිපදවීම නවත්වා දියර කිරි, පිටි කිරි ඇතුළු කිරි ආශ්‍රිත සෙසු නිෂ්පාදනයන් සඳහා ප්‍රමුඛත්වය ලබා දෙන්නැයි කෘෂිකර්ම අමාත්‍ය මහින්ද අමරවීර මහතා උපදෙස් දී තිබෙනවා.
සමාගම් දෙකට ලැබෙන කිරි ප්‍රමාණය අඩු වී ඇති හෙයින් ද කිරි ආශ්‍රිත නිෂ්පාදන ආනයනය කිරීම අත්හිටුවා ඇති බැවින් ද මුදවපු කිරි නිපදවීමට ප්‍රමුඛත්වයක් ලබා නොදෙන ලෙසත්, ඒ වෙනුවට කිරි ආශ්‍රිත සෙසු නිෂ්පාදනයන් සඳහා ප්‍රමුඛත්වය ලබා දෙන ලෙසත් අමාත්‍යවරයා දුන් උපදෙස් වල සඳහන්ය.
දැනට රටේ පවතින සත්ව ආහාර හිඟය හේතුවෙන් දියර කිරි නිෂ්පාදනය සියයට 34කින් පමණ පහත වැටී ඇති නිසා සමාගම් දෙකට දෛනිකව ලැබෙන දියර කිරි ප්‍රමාණය විශාල වශයෙන් අඩු වී තිබෙන බව කෘෂිකර්ම අමාත්‍යාංශය පවසයි.
දැනට NLDB හා මිල්කෝ සමාගම් දෙක කිරි ආශ්‍රිත නිෂ්පාදන රැසක් නිපදවන අතර පිටිකිරි, දියර කිරි, චීස්, බටර්, මුදවපු කිරි හා රස කළ දියර කිරි හා අයිස්ක්‍රීම් ද ඒ අතර ප්‍රධාන වේ.
මුදවපු කිරි නිපදවීම ගෘහ කර්මාන්තයක් වශයෙන් පවතින හෙයින් රටට අවශ්‍ය තරම් මුදවපු කිරි පවතින බවත් වෙළෙපොළේ කිරි ආශ්‍රිත සෙසු නිෂ්පාදනවල හිඟයක් ඇතිවීම වළක්වා ගැනීම සඳහා එම පියවර ගන්නා ලෙසත් අමාත්‍යවරයා අදාල සමාගම් දෙකට උපදෙස් දුන්නේය.
ජාතික පශු සම්පත් මණ්ඩලය හා මිල්කෝ සමාගම කෘෂිකර්ම අමාත්‍ය මහින්ද අමරවීර මහතා සමඟ පැවැති සාකච්ඡාවකදී අමාත්‍යවරයා මේ බව දැනුම් දුන්නේය.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න... |
