ඉන්දියාවේ රසට අමුතු කෝපි රෙසිපි එකක්.

ඉන්දියාවට ආවේණික රස මසාලා කෝපි රෙසිපි එක තමයි අද දෙන්න හදන්නේ. අපි බොන සාමාන්‍ය කෝපි එකට වඩා නම් මේක ගුණයෙන් වගේම රසයෙනුත් අනුනයි.

අවශ්‍ය ද්‍රව්‍ය

☕ කිරි කෝප්ප 1 1/2

☕ මිල්ක්මේඩ් තේ හැඳි 2

☕ සීනි තේ හැඳි 4

☕ වතුර කෝප්ප 1/2

☕ නෙස්කැෆේ තේ හැඳි 1

☕ කරදමුංගු ඇට 4

☕ කරාබු නැටි 2

☕ කුරුඳු පොතු කෑල්ලක්

සාදාගන්න ආකාරය

☕ පෑන් එකකට වතුර දාලා රත්වෙනකොට කරදමුංගු, කරාබු නැටි හා කුරුඳු පොතු කෑල්ල දාගන්න.

☕ මද ගින්නේ රත් කරගන්න.

☕ විනාඩි 3කින් විතර නෙස්කැෆේ ටික දාගන්න.

☕ හොඳට කලවම් කරලා විනාඩියකින් විතර ලිපෙන් බාගන්න.

☕ වෙනම පෑන් එකකට කිරි හා මිල්ක්මේඩ් දාලා රත්කරගන්න.

☕ මේක උතුරනකොට හදාගත්තු කෝපි මිශ්‍රණය දාගන්න.

☕ නටන්න දීලා, ලිපෙන් බාලා සීනි එකතු කරන්න.

☕ පෙරලා උණුවෙන්ම බොන්න.