හිටපු අගමැති මහින්ද රාජපක්ෂ මහතා සම්බන්ධයෙන් වන අසත්‍ය පුවතක් ගැන මානව හිමිකම් කොමිසමෙන් පැහැදිලි කිරීමක්..

හිටපු අග්‍රාමාත්‍ය මහින්ද රාජපක්ෂ මහතාට පසුගිය 09 වනදා කොළඹ ගාලු මුවදොර සහ කොල්ලුපිටිය යන ප්‍රදේශවල ඇතිවු සිද්ධීන්ට අදාළව ප්‍රකාශයක් ලබාගැනීමට  මානව හිමිකම් කොමිෂන් සභාව හමුවේ පෙනී සිටින ලෙස දැනුම් දී ඇති බවට පළ වන වාර්තා අසත්‍ය බව එම කොමිෂන් සභාව පවසයි.

එනම් එළඹෙන බදාදා දිනයේ මානව හිමිකම් කොමිසමට පැමිණෙන ලෙස හිටපු අග්‍රාමාත්‍යවරයාට දැනුම් දී ඇති බව මාධ්‍ය වාර්තා සඳහන් කළේය.

කෙසේවෙතත් අදාළ සිද්ධිය පිළිබඳව දැනටමත් කොමිෂන් සභාව විසින් පරීක්ෂණයක් සිදුකරමින් පවතින බව ද එම කොමිසම වැඩිදුරටත් සඳහන් කළේය.