ශ්‍රී ලංකාවේ ක්‍රිකට් පිස්සන් මවිත කරන තීරණාත්මකම සටනක් අද... පළමු ඉනිමේ විස්තරය

LPL තරගාවලියේ අවසන් වටයේ තවත් තීරණාත්මක තරගයක් මේ වනවිට කැන්ඩි කණ්ඩායම සහ ජැෆ්නා කණ්ඩායම අතර කොළඹදී පැවැත්වෙන අතර මෙම තරගයෙන් ජයගන්නා කණ්ඩායම ගාල්ල කණ්ඩායම සමග හෙට පැවැත්වෙන දෙවන අවසන් පූර්ව තරගයට එක්වීමට නියමිතයි.

තරගයේ ප්‍රථමයෙන් පන්දුවට පහරදුන් කැන්ඩි කණ්ඩායම පන්දුවාර 20 අවසානයේ කඩුලු 8ක් දැවී ලකුණු 188ක් රැස්කරගැනීමට සමත්වුණා.

එහිදී විශිෂ්ඨ පිතිහරඹයක නියැලුණු Mohammad Haris පන්දු 49කදී හයේ පහර 4ක් සහ හතරේ පහර 8ක් සමග ලකුණු 79ක් රැස්කළා. දිනේෂ් චන්දිමාල් හයේ පහරක් සහ හතරේ පහර 6ක් සමග ලකුණු 41ක් රැස්කරගත්තා.

නුවන් තුෂාර ජැෆ්නා කණ්ඩායම වෙනුවෙන් කඩුලු 4ක් දවාගැනීමට සමත්වූ අතර මහීෂ් තීක්ෂණ සහ අසේල ගුණරත්න කඩුලු 2 බැගින් දවාගත්තා.