ලිට්‍රෝ ගෑස් මිල පහතට..

හෙට (05) මධ්‍යම රාත්‍රියේ සිට ලිට්‍රෝ ගෑස් මිල පහත දැමීමට එම සමාගම තීරණය කර ඇත.

ඒ අනුව මෙලෙස මිල ගණන් සංශෝධනය වන්නේ කිලෝග්‍රෑම් 12.5 ගෑස් සිලින්ඩරය වන අතර එය රුපියල් 100-200ත් අතර අගයකින් පහත බසිනු ඇතැයි වාර්තා වේ.

දැනට වෙළඳපොලට සපයා ඇති ගෑස් සිලින්ඩර ද පාරිභෝගිකයාට අසාධාරණයක් නොවන පරිදි අඩු වූ නව මිල ගණන් යටතේ අලෙවි කිරීමේ ක්‍රමවේදයක් සකස් කරන බව ආරංචි මාර්ග සදහන් කරයි.

ගෘහස්ථ ගෑස් සිලින්ඩරයක් මේ වනවිට (04) අලෙවි වන්නේ රුපියල් 4,664කට වන අතර  ලිට්‍රෝ සභාපති මුදිත පීරිස් කියා සිටියේ ලෝක වෙළඳපොලේ ගෑස් මිල සැළකිල්ලට ගෙන මිල සූත්‍රයට අනුව මෙලෙස මිල පහත දැමීමට කටයුතු කරන බවයි.