උත්සව සමයේ ගෑස් වලට මොකද වෙන්නේ..? ලිට්‍රෝ සමාගමෙන් විශේෂ දැනුම්දීමක්..!

ලිට්‍රෝ සමාගමේ සභාපති මුදිත පීරිස් මහතා විශේෂ නිවේදනයක් නිකුත් කරමින් කියා සිටින්නේ උත්සව සමයේ කිසිදු ගෑස් හිගයකින් තොරව ලබා දෙන බවයි.  අද  (12)සහ හෙට (13) ගෑස් තොගයක් දිවයිනට ළඟා වීමට නියමිත බවත් එතුමා සඳහන් කළා.

ඒ අනුව උත්සව සමයේ දී කිසිදු ගැටලුවකින් තොරව වෙළෙඳපොළට ගෑස් නිකුත් කිරීමට කටයුතු සැලසුම් කර ඇති බව මුදිත පීරිස් මහතා සඳහන් කළේය.

"නොවැම්බර් මාසේ මුල වෙනකොට දැක්කා මේ ඉල්ලුම අධිකව ඉහළ යනවා කියන එක. ඒ නිසා අපි ටොන් 34,000ක් 35,000ක් වගේ ආසන්න ප්‍රමාණයක් ඇනවුම් කරන්න යෙදුනා. ඒ ඇනවුම් දැන් ලැබෙමින් පවතිනවා. දෙසැම්බර් 01 වනදා ඉඳලා සාමාන්‍යයෙන් අපි 90,000 විතර, සිලින්ඩර් වර්ග 03 නිකුත් කරගෙන ආවා. ඊයේ වෙනකම්ම අපි ඒක කළා. අද ඉරිදා දවසේ අත්‍යවශ්‍ය සේවාවලට විතරයි නිකුත් කරන්නේ.

හෙට උදෑසන ඉඳලා නැවත වතාවත් සාමාන්‍ය පරිදි ගෑස් සිලින්ඩර් අපි වෙළෙඳපොළට නිකුත් කරනවා. ඒ හින්දා කිසිකෙනෙක්ට බයක් සැකයක් තියාගන්න වෙන්න වෙන්නේ නැහැ. අපි වගකීමෙන් කියනවා උත්සව සමයට අවශ්‍ය සියලුම ගෑස් තොග ඇනවුම් කරලා ඒ ඇනවුම් සහතික කරලා දීලා තියෙන්නේ. ඒ නිසා අපිට කරදරයක් අඩුපාඩුවක් නැතුව ගෑස් වෙළෙඳපොළට නිකුත් කරන්න පුළුවන් වෙයි. ඒ වගේම අද තවත් නැවක් එන්න නියමිතයි. ඒ වගේම හෙට රාත්‍රිය වෙද්දි තවත් ගෑස් නැවක් එන්න. එතනින් එහාට තවත් නැව් 6ක් දෙසැම්බර් මාසයේදී එන්නට ඉඩ තියෙනවා."