තරුණයෙකු පැහැර ගෙන දස වධ දීමේ සිද්ධියට තවත් සැකකරුවෙකු අල්ලයි. - (VIDEO)
Wayomi
in ශ්‍රී ලංකාවපසුගියදා ඇඹිලිපිටිය කාර්මික විදුහලට යාබද ප්‍රදේශයේ තරු ණයෙකු පැහැර ගෙන ගොස් වධ බන්ධනයට ලක කිරීමේ සිද්ධියට අදාල එක් සැකකරුවෙකු හසුවීමෙන් අනතුරුව ඊයේ (04) සවස් වනවිට තවත් සැකකරුවෙකු අත්අඩංගුවට ගෙන තිබෙනවා.
ඇඹිලිපිටිය පොලීසිය කියා සිටියේ, අත් අඩංගුවට ගත් සැකකරු සමඟ තරුණයාව පැහැර ගැනිමට භාවිතා කල වෑන් රථය ද පොලිස් බාරයට ගත් බවයි.
එලෙස අත්අඩංගුවට ගෙන ඇත්තේ,ලියන ආරච්චිගේ හරිත තේමිය දිල්ෂාන් නමැති ඇඹිලිපිටිය පදලංගල ප්‍රදේශයේ පදිංචි පුද්ගලයෙක්.
සැකකරු ඇඹිලිපිටිය වැඩ බලන මහේස්ත්‍රාත් ඉනෝකා නයෝමි වෙත ඊයේ සවස (04) ඉදිරිපත් කරනු ලැබුවා.
එහිදී මේ මස 14 දින දක්වා රක්ෂිත බන්ධනාගාර ගත කිරිමට නියම කර තිබෙනවා.
අත් අඩංගුවට ගත් වෑන් රථය ඇඹිලිපිටිය පුදේශයේ කුලි රථ සේවාවකට අයත්වු එකක් බව හදුුනාගෙන ඇති අතර සිද්ධියට සමිබන්ධ බවට හඳුනාගෙන ඇති අනෙක් සැකකරුවන් දෙදෙනා අත් අඩංගුවට ගැනිමට පොලීසිය මෙහෙයුමක් දියත් කර තිබෙනවා.
