මේ පාර ලෝක රූ රැජිනට ලංකාවෙන් යන හැඩකාර හුරුබුහුටි සුරූපිණිය මෙන්න..තරුණ සිත් පිස්සු වට්ටයි.(PHOTOS)
Aruna
in ශ්‍රී ලංකාවලෝක රූ රැජින 2023 සඳහා ශ්‍රී ලංකාව නියෝජනය කරමින් තරගකාරිනියන් 116 දෙනෙකු සමග තරග වැදීමට නියමිත රූමතිය පසුගිය දා කිරුළු පැළඳුවා.
මිස් ශ්‍රී ලංකා 2023 තරගය පසුගියදා ගල්කිස්ස හෝටලයේ පැවති අතර කිරුල දිනාගන්නට නිරූපණ ක්ෂේත්‍රයේ වසර කීපයක පලපුරුද්ද ඇති කාවින්දි නෙත්මිණි සමත් විය.
මෙම ජයග්‍රහණයෙන් පසු ශ්‍රී ලංකාව නියෝජනය කරමින් මාර්තු මාසයේ පැවැත්වෙන ලෝක රූ රැජින තරඟාවලියේ තරඟ වැදීම සඳහා ඇය ඉන්දියාව බලා පිටත්වීමට නියමිත බවයි වාර්තා වන්නේ.
කුඩා කාලයේ සිටම ක්‍රීඩා සහ නිරූපණ ක්ෂේත්‍රයේ දස්කම් රැසක් පෙන්වූ කාවින්දි කිරිබත්ගොඩ විහාරමහාදේවි විද්‍යාලයෙන් මූලික අධ්‍යාපනය හදාරනු ලැබීය.
මෙහිදී විද්‍යාලීය තූර්යවාදක කණ්ඩායමේ නායිකාව ලෙස කටයුතු කරන අතරතුර එරොබික්ස් සහ ජිම්නාස්ටික් වැනි ක්‍රීඩා වලින් සමස්ත ලංකා ජයග්‍රහණ කීපයක් ලබාගැනීමෙන් අනතුරුව එම වසරේ පාසලේ හොඳම ශිෂ්‍යාව ලෙස සම්මානයට පාත්‍ර වීම ද විශේෂත්වයක්.
උසස්පෙල විශිෂ්ඨ ලෙස සමත්වී ශ්‍රී ජයවර්ධනපුර විශ්වවිද්‍යාලයෙන් මූල්‍ය කලමණාකරණය පිලිබඳ උපාධිය කාවින්දි ලබාගනු ලැබීය. කාවින්දි නිරූපණයට අමතරව මූල්‍ය උපදේශනය තම ප්‍රධාන වෘත්තිය වශයෙන් සිදුකරයි.
මීට අමතරව වසර කීපයක සිට අඩු ආදායම්ලාභී පවුල් වල සිසු දරුදැරියන් සඳහා ශිෂ්‍යත්ව පදනමක්ද ඇය විසින් පවත්වාගෙන යාමද ඇය විසින් සිදු කරන ප්‍රධාන සමාජ සත්කාරයක්.
මීට පෙර වසර වලදී චුලක්ශි රණතුංග, දුශේනි සිල්වා, රෝසි සේනානයක වැනි ප්‍රසිද්ධ නිරූපණ ශිල්පීන් මිස් වර්ල්ඩ් තරඟාවලිය සඳහා සහභාගී වී ඇත.
රටවල් 116ක් සමඟ තරඟවැදීමට අවශ්‍ය පුහුණුව මේ දිනවලදී කාවින්දි එක් එක් ක්ෂේත්‍ර වල ප්‍රවීණයන්ගෙන් ලබාගනිමින් සිටින බවයි වාර්තා වන්නේ.
මේ අතර සංගීතා වීරරත්න, සේනක ද සිල්වා, කුමා ද සිල්වා, ධනංජය බණ්ඩාර, චන්න විජේවර්ධන, රමණි ෆනෑන්ඩො, අතුල මහවලගේ සහ ෂෙරීන් කුමාරතුංග ප්‍රධාන වෙයි.
