ඉන්දුනිසියා භූ කම්පාවෙන් මියගිය සංඛ්‍යාව තවත් ඉහළට - නවතම තත්ත්වය මෙන්න..

ඉන්දුනීසියාවේ ප්‍රධාන දූපතක් වන ජාවා දූපතේ ඇති වූ භූමිකම්පාවකින් අවම වශයෙන් පුද්ගලයන් 162 දෙනෙකු මිය ගොස් සිය ගණනක් තුවාල ලබා ඇති බව ප්‍රාදේශීය ආණ්ඩුකාර රිද්වාන් කමිල් පවසයි.

එක්සත් ජනපද භූ විද්‍යා සමීක්ෂණ දත්ත වලට අනුව බටහිර ජාවා හි සියන්ජුර් නගරයට කිලෝමීටර් 10 (සැතපුම් හයක්) නොගැඹුරු ගැඹුරකදී රිච්ටර් මාපක 5.6 ක භූමිකම්පාව ඇති විය.

කඩා වැටුණු ගොඩනැගිලි යට තවමත් සිරවී ඇතැයි සිතිය හැකි අනෙක් අය බේරා ගැනීමට සහන කරුවන් රාත්‍රිය දක්වා වෙහෙසෙමින් සිටියහ.

භූමිකම්පාව ඇති වූ ප්‍රදේශය ජනාකීර්ණ හා නායයෑම්වලට ගොදුරු වන අතර දුර්වල ලෙස ඉදිකරන ලද නිවාස බොහෝ ප්‍රදේශවල සුන්බුන් බවට පත්ව ඇත.

නිශ්චිත මරණ සංඛ්‍යාව සම්බන්ධයෙන් පරස්පර වාර්තා පවතින අතර, සෙවීම් සහ මුදාගැනීමේ ප්‍රයත්නයන් අඛණ්ඩව සිදුවන බැවින් නිශ්චිත සංඛ්‍යාවක් ලබා ගැනීම දුෂ්කර ය.

මීට පෙර ඉන්දුනීසියාවේ ජාතික ආපදා අවම කිරීමේ ඒජන්සිය (BNPB) කියා සිටියේ දැනට පවතින නවතම දත්ත වලට අනුව අවම වශයෙන් පුද්ගලයින් 62 දෙනෙකු මියගොස් ඇති බවයි. 

 13,000 කට වැඩි පිරිසක් අවතැන් වී ඇති බව කමිල් මහතා ප්‍රාදේශීය මාධ්‍ය වෙත ප්‍රකාශ කර ඇති අතර, නිවාස 2,200 කට අධික සංඛ්‍යාවකට හානි සිදුව ඇති බව BNPB පැවසීය.

මීට පෙර බටහිර ජාවා ආණ්ඩුකාර කමිල් මහතා පැවසුවේ 700 කට වැඩි පිරිසක් තුවාල ලබා ඇති බවයි. එම ස්ථානයේ තවමත් "බොහෝ මිනිසුන්" සිරවී සිටින බැවින් තුවාල ලැබූවන් සහ මරණ සංඛ්‍යාව වැඩි වීමට ඉඩ ඇති බව ඔහු පැවසීය.(BBC)