ක්‍රිකට් තරගය මැද සම්ච්චල් කිරීමට එරෙහිව දැඩි තීරණයක්..!
පාකිස්තාන ක්‍රිකට් පාලක මණ්ඩලය විසින්, මෙවර ලෝක කුසලාන එක්දින ක්‍රිකට් තරගාවලියේ පසුගියදා පැවති ඉන්දු - පාකිස්තාන තරගයේදී ඉන්දීය ප්‍රේක්ෂකයින්ගේ හැසිරීම ඇතුළු කරුණු කිහිපයක් දක්වමින් ජාත්‍යන්තර ක්‍රිකට් කවුන්සිලය වෙත පැමිණිල්ලක් ඉදිරිපත් කර තිබේ.
ඉන්දීය ප්‍රේක්ෂකයින් පාකිස්තාන ක්‍රීඩකයින්ට අහමදාබාද් හි නරේන්ද්‍ර මෝදි ක්‍රීඩාංගණයේ පැවැති තරගයේදී සම්ච්චල් සිදුකිරීමේ සිදුවීම් රැසක් වාර්තාවීම හේතුවෙන් අදාළ පැමිණිල්ල ගොනුකර ඇති බව වාර්තා වෙයි.
මෙම තරගය නැරඹිම සඳහා පාකිස්තාන ප්‍රේක්ෂකයින්ට අවස්ථාවන් නොලැබීම පිළිබඳවද මෙම පැමිණිල්ලේ කරුණු වාර්තා කර තිබේ.
මෙම තරගය නැරඹීම සඳහා පැමිණීම වෙනුවෙන් පාකිස්තාන ප්‍රේක්ෂකයින්ට වීසා ලබාගැනීමට විවිධ දුෂ්කරතා මතුවී ඇති බව සඳහන් ය.
එම පැමිණිල්ල මගින් පාකිස්තාන ක්‍රිකට් පාලක මණ්ඩලය, පාකිස්තාන මාධ්‍යවේදීන් සඳහා වීසා ප්‍රමාද කිරීම මෙන්ම පාකිස්තාන රසිකයින් සඳහා වීසා ප්‍රතිපත්තියක් නොමැතිකම පිළිබඳව ජාත්‍යන්තර ක්‍රිකට් කවුන්සිලය වෙත සිය විරෝධය පළ කර තිබේ.
