භාණ්ඩ 367කට පැනවූ ආනයන සීමාවට අදාල ගැසට් නිවේදනය අලුත් කෙරේ..
Aruna
in ව්යාපාරිකඅත්යාවශ්ය නොවන භාණ්ඩ වර්ග 367 කට පැනවූ ආනයනය සීමා කාලය තවදුරටත් දිර්ඝ කර තිබෙනවා.
ඒ අනුව ඊට අදාළ ගැසට් නිවේදනය ද නිකුත් කර ඇති බවයි මුදල් අමාත්‍යාංශ ලේකම්වරයා පැවසුවේ.
පසුගිය 09 වනදා මධ්‍යම රාත්‍රීයේ සිට ක්‍රියාත්මක වන පරිදි එම ගැසට් පත්‍රය නිකුත් කර ඇති අතර ආහාර වර්ග, විද්‍යුත් උපකරණ ඇතුළු භාණ්ඩ රැසක් සඳහා එම සීමාවන් පනවා ඇති බව එහි සඳහන්.
ඒ අනුව ආහාර වර්ග යටතේ ඇපල්, බටර්, රටඉඳි, දොඩම්, මුදවපු කිරි, යෝගට්, ඕට්ස්, චොකලට්, කෝන්ෆ්ලෙක්ස් සහ පැස්ටා ආනයනය තහනම් වනු ඇති. වතුර බෝතල්, බීර වර්ග, විදෙස් මත්පැන් සහ දුම්වැටි වර්ග මෙන්ම සුවඳ විලවුන්, රූපලාවන්‍ය උපකරණ සහ රැවුල කැපීමට ගන්නා විද්‍යුත් උපකරණ සඳහා මෙම සීමාවන් ක්‍රියාත්මක වනවා.
මීට අමතරව වායු සමීකරණ, ශීතකරණ, රෙදි සෝදන යන්ත්‍ර, මයික්‍රෝවේව් උදුන්, රයිස් කුකර්, ටෝස්ටර් සහ කෝපි හා තේ සෑදීමට ගන්නා නිවාස තුළ භාවිත කරන විද්‍යුත් උපකරණ සඳහා ද එම සීමා පැනවෙනවා.
රූපවාහිනි යන්ත්‍ර, ඩිජිටල් හා වීඩියෝ කැමරා මෙන්ම තෝරාගත් සංගීත භාණ්ඩ සඳහා ද මෙම සීමාවන් ක්‍රියාත්මක වන බව අදාළ ගැසට් නිවේදනයේ සඳහන්.
අදාළ ගැසට් නිවේදනය පහතින්…
අදාල ගැසට් නිවේදනය මෙතනින් බලන්න.
සිව්දෙසින් ගලා එන තොරතුරු සැමට කලින්, එසැනින් දැන ගන්න පුවත් WhatsApp,වෙත පිවිසෙන්න.... |
