හැමෝම කතාවුණු අතිසුඛෝපභෝගී ක්‍රයිස්ලර් ජීප් රථ දෙකක් රටට ගෙන්වීමේ සත්‍යම කතාව මෙන්න.. (VIDEO)
Sithumi
in ව්යාපාරිකදක්ෂිණ අධිවේගී මාර්ගයේ ප්‍රවාහනය කෙරෙන අතිසුඛෝපභෝගී ක්‍රයිස්ලර් එස්කලාර්ඩේ ජීප් රථ දෙකක් සම්බන්ධයෙන් වන වීඩියෝවක් මේ දිනවල සමාජ මාධ්‍ය ඔස්සේ දැඩි ලෙස සංසරණය වනවා.
එම වාහන දෙක ප්‍රවාහනය කෙරෙන ආකාරය වීඩියෝගත කරනුයේ ඊට පසු පසින් ගමන් ගන්නා තවත් වහනයක සිටිනා පුද්ගලයෙක්. එමෙන්ම ඔහු එම රූගත කිරීම සිදු කරන අවස්ථාවේ මෙම රථවාහන මෙරටට ගෙන ආ ආකාරය සහ මේ වන විට රථ වාහන ආනයනයට තහනමක් පනවා ඇති මොහොතක මෙලෙස රථ වාහන ලංකාවට පැමිණෙන්නේ කෙසේ ද යන්න සම්බන්ධයෙන් ද ප්‍රශ්න කිරීමක් සිදු කරනවා.
අප මේ කාරණය සම්බන්ධයෙන් ය සිදු කළ එම සොයා බැලීමේ දී දැන ගන්නට ලැබී ඇත්තේ, අදාළ අති සුඛෝපභෝගී ජීප් රථ දෙක ම ඇමරිකාවේ සිට මෙරටට ආනයනය කර ඒවා බව යි. එමෙන්ම එම රථවල මෙහි දී යම් යම් නිෂ්පාදන වෙනස්කම් සිදු කර ඒවා නැවත ඔස්ට්‍රෙලියාව වෙත ප්‍රතිඅපනයනය කරනු ලබනවා.
මෙලෙස වමෙන් ධාවනය කරනු ලබන ඇමෙරිකානු අති සුඛෝපභෝගී රථ වාහන වන ක්‍රයිස්ලර්, කැඩිලැක්, ජී.එම්.සී ආදී සුපිරි පැලැන්තියේ වාහන එරට සිට ශ්‍රී ලංකාවට ආනයනය කර මෙහි දී ඔස්ට්‍රෙලියානු මාර්ග රථ වාහන නීති රීතිවලට අනුකූල වන සේ දකුණෙන් ධාවනය කළ හැකි වන පරිදි නවීකරණය කොට නැවත එම මෝටර් රථ ඔස්ට්‍රෙලියාව වෙත ප්‍රතිඅපනයනය කරනු ලබන ව්‍යාපාරයක් ක්‍රියාත්මක වනවා.
මෙම එකලස් කිරීම සිදු කෙරෙන්නේ, කඩුවෙල ප්‍රදේශයේ ඔවුන් විසින් පවත්වාගෙන යනු ලබන අතිනවීන කර්මාන්ත ශාලාවක් තුළ යි.
අදාල සුඛෝපභෝගී ජීප් රථ දෙක ද එලෙස නවීකරණය කිරීමෙන් අනතුරු ව ප්‍රතිඅපනයනය සඳහා නැවත රැගෙන යන අතරවාරයේදී යි මෙලෙස ඒ පසුපසින් ගමන් ගත් තවත් වාහනයක සිටි පුද්ගලයකු විසින් අදාළ වීඩියෝගත කිරීම සිදු කර ඇත්තේ.
මේ සම්බන්ධයෙන් සමාජ මාධ්‍යට මුදා හැර තිබූ වීඩියෝව පහතින් නරඹන්න.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
