ජාත්‍යන්තර මූල්‍ය අරමුදලේ හත්වැනි සමාලෝචනයට එකඟතාවක්
International Monetary Fund
IMF Sri Lanka
Economy of Sri Lanka
Latest Headlines
Sinhala news
By R.rishma
ජාත්‍යන්තර මූල්‍ය අරමුදලේ විස්තීර්ණ ණය පහසුකම යටතේ ශ්‍රී ලංකාවේ ආර්ථික ප්‍රතිසංස්කරණ වැඩසටහනේ හත්වැනි සමාලෝචනය සඳහා ජාත්‍යන්තර මූල්‍ය අරමුදලේ කාර්ය මණ්ඩලය සහ ශ්‍රී ලංකා බලධාරීන් අතර කාර්ය මණ්ඩල මට්ටමේ එකඟතාවකට පැමිණ තිබේ.
එම එකඟතාව ජාත්‍යන්තර මූල්‍ය අරමුදලේ විධායක මණ්ඩලය අනුමත කළහොත් ශ්‍රී ලංකාවට ඇමෙරිකානු ඩොලර් මිලියන 345කට ආසන්න මුදලක් හිමිවනු ඇත. ඒ අනුව ජාත්‍යන්තර මූල්‍ය අරමුදලේ වැඩසටහන යටතේ මෙරටට ලැබෙන සමස්ත මූල්‍ය සහාය ඩොලර් බිලියන 2.7කට ආසන්න වේ.
ජාත්‍යන්තර මූල්‍ය අරමුදල පවසන්නේ ආර්ථිකය අඛණ්ඩව වර්ධනය වෙමින් පවතින අතර, විදේශ සංචිත සහ රාජ්‍ය මූල්‍ය තත්ත්වයද ශක්තිමත් වී ඇති බවයි.
කෙසේ වෙතත්, මැද පෙරදිග ගැටුම්, ගෝලීය වෙළෙඳ ප්‍රතිපත්ති සහ ඉන්ධන මිල වෙනස්වීම් හේතුවෙන් තවදුරටත් අවදානම් පවතින බව ජාත්‍යන්තර මූල්‍ය අරමුදල අනතුරු අඟවයි.
