IMF ණය සම්බන්ධයෙන් විශේෂ සාකච්ඡාවක් ලබන විසි වෙනිදා
Sithumi
in பொருளாதாரம்ශ්‍රී ලංකාව විසින් ලබාගැනීමට අපේක්ෂිත විස්තීර්ණ ණය පහසුකම සම්බන්ධයෙන් ජාත්‍යන්තර මූල්‍ය අරමුදලේ විධායක මණ්ඩල හමුවක් ලබන 20 වනදා පැවැත්වෙනවා.
එහිදී ගන්නා තීරණ දැනුම්දීම සඳහා ලබන 21 වනදා විශේෂ ප්‍රවෘත්ති සාකච්ඡාවක් ද පැවැත්වීමට නියමිතයි ඒ සඳහා ජාත්‍යන්තර මූල්‍ය අරමුදලේ ජ්‍යෙෂ්ඨ දූත මණ්ඩල ප්‍රධානී පීටර් බෲවර් සහ ජාත්‍යන්තර මූල්‍ය අරමුදලේ ශ්‍රී ලංකා දූත මණ්ඩල ප්‍රධානියාද එක්වන බව ජාත්‍යන්තර මූල්‍ය අරමුදල පවසා තිබෙන මේ අතර මුදල් රාජ්‍ය අමාත්‍ය ෂෙහාන් සේමසිංහ මහතා ප්‍රකාශ කළේ මෙම විස්තීරණ ණය පහසුකම අනුමතවීමෙන් පසු මේ වසරේ සිව්වන කාර්තුවේදී මෙරට ආර්ථිකය ස්ථාවරත්යට පත්වන බවයි. වි
ස්තීරණ ණය පහසුකම් ලැබීමෙන් පසු රජයේ ආර්ථික සැලසුම් මොනවාදැයි අද රූපවාහිනී වැඩසටහනක දී ' මුදල් රාජ්‍ය අමාත්‍යවරයාගෙන් ප්‍රශ්න කෙරුණා එහිදී ඔහු කළේත් මෙවන් අදහසක්
"අපි විශාල කැපකිරීමක් කළා. 20 වනදා අනුමැතිය ලැබෙයි. පළවෙනි වාරිකය ලෙස මාර්තු මාසය තුළම ඩොලර් මිලියන 330කට ආසන්න මුදල් ප්‍රමාණයක් ලැබෙනවා." "රජය ප්‍රතිපත්තිය ලෙස පිළිගන්නවා.. රජය තවදුරටත් ව්‍යාපාර කටයුතුවල නියැලෙන්න හොඳ නැහැ. අපි නැවත කිසිම රාජ්‍ය ව්‍යාපාරයක් රාජ්‍ය මැදිහත්වීම තුළ ආරම්භ කරන්නේ නැහැ. දැනට ක්‍රියාශිලීත්වය අතින් පහළම මට්ටමක තිබෙන රාජ්‍ය ආයතන සියල්ල.
.දැනට 40කට වඩා වැඩි ප්‍රමාණයක් හඳුනගෙන තිබෙනවා. ඒ සියල්ල මුදල් අමාත්‍යාංශය යටතට අරගෙන ඒවා වසා දමන්න අවශ්‍ය වැඩකටයුතු කරනවා. දැනට මේ ආයතනවල ඉන්න අයට කිසිඳු අසාධාරණයක් සිදුනොවෙන්න අපි කටයුතු කරනවා."
