එළඹෙන ලෝක කුසලානයේ ත්‍යාග මුදල ප්‍රකාශ කෙරේ - මෙරට ප්‍රබලයෙකුටත් ලෝක කුසලානය අහිමි වන ලකුණු..

එළැඹෙන ලෝක කුසලාන ක්‍රිකට් තරගාවලිය සඳහා 15 දෙනෙකුගෙන් යුත් සංචිතය ක්‍රීඩා අමාත්‍යවරයාගේ අනුමැතියට යොමුකර ඇත.

එම සංචිතයට වනිඳු හසරංග සහ මහීෂ් තික්ෂණ ඇතුළත් බවයි ක්‍රිකට් ආරංචි මාර්ග සඳහන් කරන්නේ.

නමුත්, ආබාධ තත්ත්වයක් හේතුවෙන් දුෂ්මන්ත චමීරට ලෝක කුසලාන තරගාවලිය අහිමි වී ඇති බවට වාර්තා වෙයි. වැඩිදුරටත් වාර්තා වන්නේ දුෂ්මන්ත චමීර වෙනුවට ලහිරු කුමාර සංචිතයට කැඳවා ඇති බවය.

එමෙන්ම අතිරේක ක්‍රීඩකයින් ලෙස චාමික කරුණාරත්න සහ දුෂාන් හේමන්ත ද ඉන්දියාව බලා පිටත්ව යාමට නියමිතව තිබේ.

එමෙන්ම ජාත්‍යන්තර ක්‍රිකට් කවුන්සිලය විසින් එළඹෙන ලෝක කුසලාන ක්‍රිකට් තරගාවලියේ ශූරයින්ට පිරිනැමෙන මුදල අද (22) නිවේදනය කළේය.

ඒ අනුව මෙවර ක්‍රිකට් ලෝක ශූරයින්ට අමෙරිකානු ඩොලර් මිලියන 4ක මුදලක් පිරිනැමෙන අතර එය ශ්‍රී ලංකා මුදලින් රුපියල් මිලියන 1296කි.