නිල් කටරොළු මලෙන් රුපියල් ලක්ෂ 03ක මුදලක් ඉපයිය හැකි සුපිරි ක්‍රමයක් මෙන්න.. ඔබත් කරල බලන්න..
Aruna
in ශ්‍රී ලංකාවඉහළ ඖෂධීය ගුණයක් ඇති නිල් කටරොළු වගා කිරිමෙන් ඉහළ ආදායමක් උපයා ගැනීමට හැකියාව ඇති බව හඳුනාගැනීමෙන් පසුව රාජ්‍ය අංශයේ ද මැදිහිත්වීම සහිතව ගම්මානවල ජනතාව මෙම මල් වගාවක් ලෙස අරඹා තිබෙන බව වාර්තා වනවා.
මෙම මල් සඳහා දේශීය හා විදේශිය වශයෙන් ඉහළ ඉල්ලුමක් ලැබී තිබෙන අතර වගාව සාර්ථකව සිදුකිරීමෙන් ඉහළ ආදායමක් ද උපයා ගැනිමේ අවස්ථාව උදාවී ඇත.
කිසිදු ආකාරයක කෘමි නාශක හෝ පොහොර භාවිතයකින් තොරව මෙම වගාව සිදුකරන නිසා වගාකරන්නන්ට මේ වෙනුවෙන් විශාල පිරිවැයක් දරන්නට සිදු නොවීම ද විශේෂත්වයක්.
මල් පදුරු සියයක් පමණ වවා ගන්නා අයෙකුට දිනපතාම කිලෝ දහයක් පමණ මල් ලබාගත හැකි අතර නිසි ක්‍රමවේදයට වියළීමෙන් අනතුරුව අලෙවිකරණ කරන අතර මල් කිලෝ දහයක් පමණ වියලීමෙන් වියළි මල් කිලෝවක් සදාගැනීමට ද හැකියාව තිබේ.
ග්‍රාමීය ජනතාව මෙම මල් අලෙවි කරණ අතර එක් කිලෝවක් සඳහා රුපියල් තුන්දහසක පමණ මුදලක් ඔවුන්ට ලැබේ.
වෙනත් කාර්යයන් සිදුකරන අතරවාරයේ දී අමතර ආදායමක් ලැබිය හැකි ඉතා වටිනා වගාවක් වශයෙන් මෙම නිල් කටරොළු මල් වගාව හඳුනාගෙන ඇති බවයි වගාකරන්නන් සඳහන් කර සිටින්නේ.
හොරොව්පතාන ප්‍රාදේශිය ලේකම් කාර්යාලයේ මැදිහත්විමෙන් මරදන්කඩවල වසමේ පවුල් පහලවක් නියෝජනය වන පිරිදි ප්‍රතිලාභීන් 15කට මෙම වගාව පිළිබදව පුහුණුවක් ප්‍රාදේශීය ලේකම් කාර්යාලයේ කුඩා ව්‍යාපාර අංශය මගින් ලබාදී තිබීමද විශේෂත්වයක්.
ඉන් පසුව ඔවුන් වෙත නොමිලයේ බීජ ලබා දී ඇති අතර මේ වන විට ඔවුනගෙන් බොහෝ පිරිසක් මෙම වගාව සාර්ථකව සිදුකරමින් ආදායමක් ලබමින් සිටී.
මෙම වගාවන්ගේ සාර්ථකත්වය පිළිබඳව හදුනාගැනිම සදහා අනුරාධපුර දිස්ත්‍රික් ලේකම් ජනක ජයසුන්දර මහතා ඇතුළු නිලධාරින් පිරිසක් හොරොව්පතාන, මරදන්කඩවල ප්‍රදේශයට පැමිණ එම වගාකරුවන් හමුවේ පවසා සිටියේ වියළි කටරොළු මල් අලෙවිකර ගැනීම සඳහා නව වෙළදපොල හඳුන්වාදීමට දිස්ත්‍රික් ලේකම්වරයාගේ සහය ලබාදීමට කටයුතු කරන බවයි.
හොරොව්පතාන ප්‍රාදේශීය ලේකම්වරිය කියා සිටියේ, ඉතා සුළු බිම් ප්‍රමාණයක තම ගෙවත්ත තුල පමණක් මෙම මල් වගාකර වියළා අලෙවි කිරීමෙන් 2023 වසරේ දී එක් පවුලක් රුපියල් ලක්ෂ තුනක පමණ මුදලක් උපයාගෙන ඇති බවයි.
