රජයේ සේවකයින් සේවා ස්ථානයට කැඳවීම තවදුරටත් සීමා කරයි..! නවතම චක්‍රලේඛනයක් නිකුත් කෙරේ..!

රජයේ කාර්යාල වෙත සේවකයින් කැඳවීම තවදුරටත් සීමා කරමින් නව චක්‍රලේඛයක් නිකුත් කර තිබේ.

ඒ අනුව රාජකාරී කටයුතු බිඳ වැටීමකින් තොරව පවත්වාගෙන යෑමට අත්‍යවශ්‍ය අවම කාර්ය මණ්ඩලයක් පමණක් සේවා ස්ථාන වෙත කැඳවීමට ආයතන ප්‍රධානීන් ට දැනුම් දී තිබේ.

එමෙක්ම හැකි සෑම අවස්ථාවක දී ම සේවකයින්ට නිවසේ රැඳී සිටිමින් ඔවුන්ගේ සේවය මාර්ගගත ක්‍රමය ඔස්සේ ලබාගැනීමටත් ආයතන ප්‍රධානීන් ප්‍රමුඛතාවය ලබාදිය යුතු බව ද එම චක්‍රලේඛයෙන් දැක්වේ.

රාජ්‍ය පරිපාලන ලේකම් එම්.එම්.පී.කේ මායාදුන්නේ මහතා විසින් එම චක්‍රලේඛය නිකුත් කර ඇත.