පාසල්වල කැම්පස්වල විතරක් නෙමෙයි.. තවත් කට්ටියක් ලෙඩ වෙන්නයි යන්නෙ.. රජයේ කටයුතු සියල්ල ඇණහිටි ද?.
krishani
in ශ්‍රී ලංකාවහෙට (25) සහ අනිද්දා (26) අසනීප නිවාඩු වාර්තා කර වෘත්තීය ක්‍රියාමාර්ගයකට එළඹීමට රජයේ විධායක නිලධාරින් තීරණය කර තිබෙනවා.
ඒ වැටුප් විෂමතා මුල් කරගනිමින් ය.
එමෙන්ම, ඔවුන් හෙට කොළඹ දී උද්ඝෝෂණයක් පැවැත්වීමටද කටයුතු සුදානම් කර ඇත.
ඒ බව රජයේ විධායක නිලධාරින්ගේ ඒකාබද්ධ කමිටුව සඳහන් කළේ ය.
එසේම, එළඹෙන 26 වනදා ගුරු විදුහල්පති වෘත්තීය සමිති සන්ධානය ද අසනීප නිවාඩු වාර්තා කර වෘත්තීය ක්‍රියාමාර්ගයකට එළැඹෙන බව අද පැවති ප්‍රවෘත්ති සාකච්ඡාවකදී සඳහන් කළේ ය.
මේ අතර, අද ක්ෂේත්‍ර කිහිපයක වෘත්තිය සමිති වෘත්තිය ක්‍රියාමාර්ග ආරම්භ කළේ ය.
ඒ වැටුප් විෂමතා ගැටලුවලට කඩිනමින් විසඳුම් ලබා දෙන ලෙස බලකරමින් ය.
එමෙන්ම, මොරටුව සහ රජරට විශ්වවිද්‍යාලවල අනධ්‍යයන සේවකයින් අද සත්‍යග්‍රහයක් ද ඇරඹීය.
තව ද, මේ වන විට පාසල් අනධ්‍යයන සේවකයින් අසනීප නිවාඩු වාර්තා කර සේවයෙන් ඉවත්ව සිටී.
කෙසේ වෙතත්, අධ්‍යාපන අනධ්‍යයන සේවාවට ජාතික ප්‍රතිපත්තියක් සකස් කරන ලෙස ඉල්ලා පාසල්, ගුරු විද්‍යාල සහ විද්‍යා පීඨවල අනධ්‍යයන සේවකයින් අසනීප නිවාඩු වාර්තා කරමින් අද සිට දෙදින වෘත්තිය සමිති ක්‍රියාමාර්ගයක් ආරම්භ කර තිබෙනවා.
ඒ අනුව මධ්‍යම, උතුරු මැද සහ දකුණු පළාත් කේන්ද්‍ර කරගනිමින් අද විරෝධතා පැවැත්විණ.
Anura Kumara Dissanayake
