ජර්මන් ඔලිම්පික් ශූරිය ජීවිතක්ෂයට

ජර්මනියේ ද්විත්ව ඔලිම්පික් ශූරිය සහ බයත්ලෝන් ක්‍රීඩිකාව වන ලෝරා ඩොල්මයර් (31) පාකිස්ථානයේ කඳු නැගීමකදී සිදුවූ අනතුරකින් මියගොස් ඇත.

ඉකුත්ගි 28 වැනිදා ල්ගිට්-බෝල්ටිස්තාන් කලාපයේ ලායිලා කන්දේ මීටර් 5,700ක උසකින් යුත් ප්‍රදේශයකදී පර්වත කඩාවැටීමක් හේතුවෙන් ඇය ඇදවැටී ඇත. අයහපත් කාලගුණික තත්ත්වයන් සහ දුර්වල ආලෝකය හේතුවෙන් ගලවාගැනීමේ මෙහෙයුම්වලට බාධා එල්ල විය.

ජර්මනි හා එක්සත් ජනපද විශේෂඥ කඳුනගින්නන්ගේ සහාය ඇතිව 2025 ජූලි 30 උදෑසන ආරම්භ කළ ගලවාගැනීමේ මෙහෙයුමකදී ඩොල්මයර්ගේ සිරුර හමුවී ඇත. ඇය අනතුර සිදුවූ දිනයේම මියගොස් ඇති බව ගලවාගැනීමේ කණ්ඩායම් විශ්වාස කරයි.

බයත්ලෝන් ක්‍රීඩාවේ අතිවිශිෂ්ට ක්‍රීඩිකාවක් වූ ලෝරා ඩොල්මයර්, ඔලිම්පික් උළෙල 2ක, ලෝක ශූරතා 5ක සහ ලෝක කුසලාන 7ක ජර්මනිය නියෝජනය කර ඇත.