අද මධ්‍යම රාත්‍රියේ සිට ගෑස් මිල අඩු වෙන්නෙ මෙහෙමයි.. නව මිල ලැයිස්තුව මෙන්න.

ලිට්‍රෝ ගෘහස්ථ ගෑස් සිලින්ඩරයක මිල අඩු කිරීමට ලිට්‍රෝ සමාගම කටයුතු කර තිබෙනවා.

ඒ අනුව අද (05) මධ්‍යම රාත්‍රියේ සිට ක්‍රියාත්මක වන පරිදි අදාල මිල අඩු වීම බලාත්මක වනවා.

ඒ අනුව,

කිලෝග්‍රෑම් 12.5 ගෘහස්ථ ගෑස් සිලින්ඩරයක මිල රුපියල් 113කින් ද, කිලෝග්‍රෑම් 5ක සිලින්ඩරයක් රුපියල් 45කින් ද, කිලෝග්‍රෑම් 2.3ක මිල රුපියල් 21කින් ද අඩු වන බව ලිට්‍රෝ සමාගමේ සභාපති මුදිත පීරිස් දැනුම් දෙනවා.

අදාල මිල අඩු කිරීමෙන් අනතුරුව කිලෝග්‍රෑම් 12.5 ගෘහස්ථ ගෑස් සිලින්ඩරයක මිල,

රුපියල් 4551ක් වශයෙන් ද, කිලෝග්‍රෑම් 5 ගෘහස්ථ ගෑස් සිලින්ඩරයක මිල රුපියල් 1827ක් වශයෙන් ද, කිලෝග්‍රෑම් 2.3 ගෘහස්ථ ගෑස් සිලින්ඩරයක මිල රුපියල් 848ක් වශයෙන් ද, මිල පහළ යනු ලබනවා.