ඉන්ධන මිල නැවත වතාවක් පහළ යයි..

ලෝක වෙළෙඳපොළෙහි ඉන්ධන මිල නැවත වතාවක් අඩුවී ඇති බව ජාත්‍යන්තර මාධ්‍ය පවසයි.

දින 05ක් පමණ නොකඩවා බොර තෙල් මිල වැඩිවූ අතර විශේෂයෙන් ලෝකයේ විශාලතම බොර තෙල් ආනයනකරු වන චීනයේ ආර්ථික කටයුතු දුර්වලවීමත් ලෝක ආර්ථික කටයුතු සම්බන්ධයෙන් ඇතිව ඇති අවිනිශ්චිත බව නිසාත් බොර තෙල් සඳහා ඇති ඉල්ලුම අඩුවී තිබේ.

දෙසැම්බර් මාසය සඳහා වෙළෙඳපොළට එන බ්‍රෙන්ට් බොර තෙල් බැරලයක මිල 1.1%කින් පහල ගොස් ඇති අතර එහි මිල සඳහන් වූයේ ඩොලර් 97.07ක් ලෙසය.

වෙස්ට් ටෙක්සාස් ඉන්ටර්මීඩියෙට් බොර තෙල් බැරලයක මිල ඩොලර් 91.84කි.